ҺАВА ТОРЫШЫ +15 oC

Яңалыклар

барлык хәбәрләр Татарстан Россия
МӨҺим
VI Республикакүләм ифтарга әзерлек тәмамланып килә
Казанның Мәскәү районындагы җитди һәлакәт фотолары чыкты
“Каравон” башка фольклор бәйрәмнәр янәшәсендә аерым урын алып тора - Алексей Песошин
Сергей Безруков: Мин Казанга гашыйк, шәһәр чисталыгы һәм архитектурасы белән гаҗәпләндерә
Татарстанда быел 1 млн. 73,8 мең кв. метр торак сафка кертелгән

Авыл

Теләчедә төзекләндерү эшләре буенча киңәшмә узды

21 апрель 2018, 06:00 , Фото: tulachi.ru/

Теләчедә төзекләндерү эшләре буенча киңәшмә узды Быел районда республика программасы нигезендә 16 объект төзекләндереләчәк.

(Теләче, 21 апрель, “Татар – информ”, "Теләче", Фәнил Нигъмәтҗанов)  “Алан” җаваплылыгы чикләнгән ширкәте базасында быел районда республикакүләм программа нигезендә терлек торакларында, силос-сенаж базларында, ремонт остаханәләрендә һәм амбар хуҗалыкларында алып барылачак төзекләндерү эшләре буенча зур сөйләшү булып үтте. Бу уңайдан җаваплылыгы чикләнгән “Алан” ширкәтендә төзекләндерү эшләре башланып та киткән инде. Биредә ашлык складын төзекләндергә тотынганнар. Аларның бу гамәле башкаларга үрнәк итеп күрсәтелде,  дип яза җирле басма.

Җыелышта авыл хуҗалыгы предприятиеләре җитәкчеләре, бүлекчә җитәкчеләре, хуҗалыкларның төзекләндерү эшләре өчен җаваплы булган белгечләре һәм хисапчылар катнашты. Алар алдында җәй дәвамында объектларда алып барылачак төзекләндерү эшләренең тәртибе һәм финанслау мәсьәләләрен яктыртып, район авыл хуҗалыгы һәм азык-төлек идарәсе җитәкчесе Ралиф Низаметдинов, республиканың “Главинвестстрой” берләшмәсе вәкиле, төзекләндерү эшләре буенча районыбыз кураторы Динар Рәхимов чыгыш ясады. Алар үзләренең чыгышларында җитәкчеләрне һәм белгечләрне әлеге юнәлеш буенча актив эшләргә һәм исәп-хисап эшләрендә төгәллеккә чакырдылар.

Алар әйтеп узганча, быел районда республика программасы нигезендә 16 объект төзекләндереләчәк. Мәсәлән, 100 һәм 200 башка исәпләнгән сыер тораклары төре буенча җаваплылыгы чикләнгән “Теләче Агро” ширкәтендә 4 сыер торагы (Сауш, Иске Җөри, Югары Кибәхуҗа һәм Үзәк авылларында) ремонт остаханәләре төре буенча җаваплылыгы чикләнгән “Агролак” ширкәте белән җаваплылыгы чикләнгән Теләче Агро” ширкәтенең ремонт остаханәләре, силос-сенаж базлары төре буенча җаваплылыгы чикләнгән “Агролак” ширкәтенең - ике, җаваплылыгы чикләнгән “Алан” ширкәтенең - ике, җаваплылыгы чикләнгән “Теләче Агро” ширкәтенең - ике силос-сенаж базы, амбар хуҗалыкларын төзекләндерү төре буенча җаваплылыгы чикләнгән “Агролак”, “Алан” һәм “Игенче” ширкәтләренең ашлык складлары төзекләндереләчәк.

Авыл хуҗалыгы объектларын төзекләндерү программасы республикада берничә ел эшләп килә. Сөенечкә булсын, әлеге мөмкинлекне җаваплылыгы чикләнгән “Алан”, “Игенче” һәм “Агролак” ширкәтләре елның-елында уңышлы файдаланып килә. Соң булса да уң булсын дигәндәй, соңгы ике елда бу юнәлеш буенча җаваплылыгы чикләнгән “Теләче Агро” ширкәте дә активлаша төште. Әлеге ширкәтнең быел дүрт сыер торагы, бер ремонт остаханәсе, ике силос-сенаж базын төзекләндерүгә алынуы шул хакта сөйли. Кыскасы, бу эштә дәүләт хуҗалыкларга бик теләп ярдәм итә. Яхшымы-яманмы, барлык чыгымнарның 30%ын үз өстенә ала. Бары тик тиз арада смета документларын төзеп, объектларда эш башлап, әлеге мөмкинлекне вакытында файдаланып калу шарт, диелән район басмасында.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10