ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
Калмык халкына туган телне оныту куркынычы янамый – калмык журналисты
Гүзәл Яхина Равил Әхмәтшинга «Дети мои» дигән яңа китабын бүләк итте
Мурманскида мөселман балалары һәм хатын-кызлар өчен чаралар уза
Разил Вәлиев туган телләрне ирекле өйрәнү турында закон проектын хупламаска тәкъдим итте
Песков Путин белән «Туры линия»нең 14 июньгә кадәр үткәреләчәге хакында хәбәр итте

Мәдәният

Кайбычта "Тарихи хәтер" проектының күчмә фотокүргәзмәсе эшләде

21 апрель 2018, 07:00

Кайбычта "Бердәм Россия” сәяси партиясе төбәк бүлегенең "Тарихи хәтер" дип исемләнгән проектының әлеге күргәзмәсе районның туган көнендә оештырылган иде.

(Кайбыч, 21 апрель, "Татар-информ", "Кайбыч таңнары", Людмила Путятинская). Кайбычта «Тарихи хәтер» проектының күчмә фотокүргәзмәсе эшләде. "Бердәм Россия” сәяси партиясе төбәк бүлегенең «Тарихи хәтер» дип исемләнгән проектының әлеге күргәзмәсе районның туган көнендә оештырылган иде, дип яза җирле басма.

– Күргәзмәне безгә Югары Осланнан китерделәр, кич белән аны Апаска алып китәчәкләр, – диде партиянең башкарма комитеты җитәкчесе Рушания Лотфуллина. – Күргәзмәдә фронттан килгән хатлар урын алган. Анда райондашларыбызның да хатлары бар. Аларны җыюда һәм саклауда Галия Кайбицкая исемендәге музей директоры Энҗе Миңгалиева активлык күрсәтә. Сугыш чоры хатларын җыюны узган ел башлап җибәрдек. Йорт саен йөреп әлеге кадерле ядъкәрләрне таптык, аларның күчермәләрен район һәм Дәүләт архивларына тапшырдык. – Әле кичә генә Казаннан якташыбыз фронттан Бәрлебашына җибәрелгән хат алып кайтты. Хатлар җыюны дәвам итәбез, – диде Энҗе Миңгалиева.

Районда Бөек Җиңүнең 73 еллыгын үткәрүгә әзерлек планы буенча быел да «Үлемсез полк» акциясе үткәреләчәк. Сугыш ветераннарына, инвалидларына һәм сугышта катнашучыларның тол калган хатыннарына 3 майга кадәр медицина тикшерүе үткәреләчәк. Бәйрәмдә катнашучыларда күргәзмә зур кызыксыну уятты. "Тарихи хәтер" фотокүркәзмәсе белән республиканың барлык районнарында яшәүчеләр дә танышачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10