ҺАВА ТОРЫШЫ +13 oC

Яңалыклар

барлык хәбәрләр Татарстан Россия
МӨҺим
Азнакайда 4 меңнән артык бала төрле лагерьларда ял итәчәк
Арча кызы КФУның “Каурый каләм” бәйгесендә Гран-при иясе булды
Республика программасы нигезендә Әтнә районы юлларын яктырталар
Кукмараның Туеш микрорайонында ачылган мәчет – районда 76нчы дин йорты
“Буа: диалог киңлегендә” фестивален Сергей Безруков спектакле тәмамлады

Хәвеф-хәтәр

Дәүләт гаепләүчесе тәрәзәдән баланы ташлаган ир-атны 15 елга ирегеннән мәхрүм итүне сорады

20 апрель 2018, 19:52

Чаллыда яшәүче 34 яшьлек ир-атка карата Россия Җинаять Кодексының “Үтерергә омтылу” маддәсе буенча җинаять эше кузгатылган.

(Чаллы, 20 апрель, «Татар-информ”, Эльвира Мөхәмәтдинова). Чаллыда дәүләт гаепләүчесе тәрәзәдән баланы ташлаган ир-атны 15 елга ирегеннән мәхрүм итүне сорады.

“Татар-информ” агентлыгы хәбәр иткәнчә, 6 февральдә яшь ир-ат фатирда таныш хатын-кыз белән спиртлы эчемлекләр эчкән. Анда әлеге хатынның 5 яшьлек оныгы да булган. Тикшерү белдергәнчә, исерек ир-ат өченче каттан баланы тәрәзәдән атып бәргән. Бәхеткә, кыз бала җитди җәрәхәтләр алмаган.

Фаҗига шаһиты ашыгыч ярдәм һәм полиция чакырган. Баланы хастаханәгә озатканнар. Бала егылу нәтиҗәсендә беләзек сөяген сындырган.

34 яшьлек ир-атка карата “Үтерергә омтылу” маддәсе буенча җинаять эше кузгатылган. Ир-атны җинаять урынында тоткарлаганнар, ул гаебен өлешчә таныган.

Шушы көннәрдә бу эш буенча суд булды. Дәүләт гаепләүчесе ир-атны 15 елга ирегеннән мәхрүм итүне аннары бер елга яшәү урынын үзгәртүне һәм Чаллыдан каядыр китүне тыюны сорады. Адвокат хөкем ителгән ир-атны аклауны яки “Кече яшьтәге баланың сәламәтлегенә уртача авырлыктагы зыян китерү” маддәсенә алыштыруны сорады.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10