ҺАВА ТОРЫШЫ +8 oC

Яңалыклар

барлык хәбәрләр Татарстан Россия
МӨҺим
Казандагы төнге авариядә полиция өлкән лейтенанты 42 яшьлек Юрий Матренин һәлак булган
Әхмәт Мәзһәров: Татар телен белү миңа нык ярдәм итте
Казанда юл инспекторы һәлак булган авария видеосы чыкты
Чаллыда ир-ат үз фатирында янып үлгән
Рөстәм Миңнеханов Татарстан Экспорт советын төзеде

Фән һәм мәгариф

Татарстанда лицензияле медицина кабинетлары мәктәпләрнең 60 процентында гына бар

17 апрель 2018, 07:14

Лицензия алу кыенлыклары медкабинетларга бүленергә тиешле квадрат метрлар күләме буенча СанПиН таләпләренә бәйле.

(Казан, 17 апрель, “Татар-информ”, Надежда Гордеева). Татарстанда лицензияле медицина кабинетлары 700ләп мәктәптә бар. Бу гомуми мәктәпләр саныннан 60 процентны тәшкил итә. Бу хакта кичә Татарстан Республикасы Дәүләт Советының социаль сәясәт буенча комитет утырышында Татарстан мәгариф һәм фән министры урынбасары Лариса Сулима әйтте.

“Бу мәгариф оешмасы учредителе булган муниципалитетлар вәкаләтендә. Лицензия алу кыенлыклары медицина кабинетларына бүленергә тиешле квадрат метрлар күләме буенча санитар кагыйдә һәм норма (СанПиН) таләпләренә бәйле. Безнең зур булмаган, стандарт медицина кабинетлары бар, әмма алар санитар кагыйдә һәм норма таләпләренә туры килмәгәнгә медицина эшчәнлегенә лицензия ала алмый. Ә алдагы елларда төзелгән мәктәпләр реконструкцияләнә алмый”, – дип сөйләде докладчы.

Министр урынбасары сүзләренчә, күп кенә авыл мәктәпләре фельдшер-акушерлык пунктлары белән килешү төзеп әлеге хәлдән чыга. “Балаларга медицина хезмәте күрсәтүдә проблемалар юк. Алар медицина комиссиясен фельдшер-акушерлык пунктлары базасында уза”, дип аңлатты ул.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10