ҺАВА ТОРЫШЫ +15 oC

Яңалыклар

барлык хәбәрләр Татарстан Россия
МӨҺим
VI Республикакүләм ифтарга әзерлек тәмамланып килә
Казанның Мәскәү районындагы җитди һәлакәт фотолары чыкты
“Каравон” башка фольклор бәйрәмнәр янәшәсендә аерым урын алып тора - Алексей Песошин
Сергей Безруков: Мин Казанга гашыйк, шәһәр чисталыгы һәм архитектурасы белән гаҗәпләндерә
Татарстанда быел 1 млн. 73,8 мең кв. метр торак сафка кертелгән

Сәясәт

Павел Дуров Telegramны блокировкалау нәтиҗәләре турында сөйләде

16 апрель 2018, 18:22

Мессенджерга нигез салучы социаль челтәрләрдә террорчылык куркынычы шул ук дәрәҗәдә калачагын, ә Россия халкы куркынычсызлыгы кимиячәген язган.

(Казан, 16 апрель, “Татар-информ”). Telegram мессенджерына нигез салучы Павел Дуров блокировкалау турындагы карарны конституциягә каршы дип атаган. Бу хакта ул VK-битендә язган.

Дуров иртән башланган блокировка аркасында сервис кайбер элемтә операторларында тотрыксыз эшләргә мөмкин, дип белдергән. Аннан ул блокировкалау нәтиҗәләрен пунктлап аңлаткан.

“15 миллионлап россияленең тормыш сыйфаты начарлана, чөнки Telegramга VPNнан башка вакыт-вакыт тоташып булмаска мөмкин”, — дип саный Дуров.

Шул ук вакытта мессенджерга нигез салучы блокировка Россиядә террористик куркынычны киметмәячәк, дип белдерә. Дуров фикеренчә, “экстремистлар шифрланган элемтә каналларыннан куллануны дәвам итәчәкләр – башка мессенджерларда, яисә VPN аша”.

Шулай ук, аның фикеренчә, блокировкалау нәтиҗәләре арасында халык куркынычсызлыгы кимүе тора, “чөнки россиялеләрнең шәхси мәгълүматлары нейтраль мәйданнан АКШтан WhatsApp/Facebook контрольдә тотучы Россия мәйданнарына күчә”.

Дуров Telegram командасы россиялеләр язышуының сере саклану хокукы булуны таләп итүне дәвам итәчәкләр, дип билгеләп үткән.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10