ҺАВА ТОРЫШЫ +18 oC

Яңалыклар

барлык хәбәрләр Татарстан Россия
МӨҺим
“Әкият” курчак театры дөнья чемпионаты көннәрендә ике татарча спектакль күрсәтә
“Зәкят” хәйрия фонды 3000 кешегә ифтар үткәрә
Чаллыда балалар һәм яшьләр оешмалары 72 тонна макулатура җыйган
Р.Миңнеханов Париж делегациясенә: Республикага килүегез - хезмәттәшлек өчен яхшы этәргеч
Зөфәр Хәйретдинов: Ротациягә бер генә җырың бирелсә, тутырып акча алам дип уйларга кирәкми

Авыл

Язгы кыр эшләрен башкарырга Татарстанга 70 мең тонна ташламалы ягулык бирелгән

16 апрель 2018, 17:39 , Фото: архив tatar-inform

Язгы кыр эшләрен башкарырга Татарстанга 70 мең тонна ташламалы ягулык бирелгән Ул базар бәясеннән 4-5 сумга арзанрак.

(Казан, 16 апрель, “Татар-информ”, Чулпан Шакирова). Татарстанда язгы кыр эшләрен башкару өчен ягулык-майлау материаллары ягыннан проблемалар булмаячак. Бу хакта “Татар-информ”га ТР Авыл хуҗалыгы министрлыгының механизация бүлеге башлыгы урынбасары Илнар Габбасов әйтте.

“Язгы кыр эшләрен башкару өчен, Татарстанга 70 мең тонна ташламалы ягулык бирелде. Ташламалы ягулык базар бәясеннән 4-5 сумга арзанрак. Авыл хуҗалыкларына бу уңай тәэсир итәр дип уйлыйм”, – диде урынбасар.

Республика аграрийларына ел әйләнәсе 140 мең тонна ягулык кирәк. Аның 70 мең тоннасы – язгы чәчү һәм азык әзерләүгә булса, калган 70 мең тоннасы - урып-җыю һәм җир эшкәртүгә тотыла.

“Ташламалы ягулык бүген һәр хуҗалыкка бүлеп бирелде һәм лимитлары җиткерелде. Бүген чәчү җирләреннән чыгып, 20 килограмм ягулык исәбенннән хисап ясап, нефть базаларына документлар тапшырылды. Ягулык-майлау материаллары буенча проблема һәм өзлеклекләр булмас”, – диде ТР Авыл хуҗалыгы министрлыгының механизация бүлеге башлыгы урынбасары Илнар Габбасов.

Исегезгә төшерик, “Татар-информ” алдарак Татарстанда 98 процент техника язгы кыр эшләренә әзер, Татарстанда язгы кыр эшләренә техника әзерлеге буенча алдынгы һәм артта калган районнар билгеле, язгы кыр эшләренә керешү өчен 1 млрд 800 мең сумлык запас частьләр кирәк, авыл хуҗалыгы министрлыгы техника ремонтына комачаулаган факторны атады һәм министрлыкның төп максаты – язгы чәчүне ике атна эчендә тәмамлау дип язган иде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10