ҺАВА ТОРЫШЫ -1 oC

Яңалыклар

барлык хәбәрләр Татарстан Россия
МӨҺим
Татарстанда 700дән артык ана айлык пособие алачак
Казанда Ркаил Зәйдулланың яңа шигырь китабы тәкъдим ителә
Казанда “Милләт аналары” хакында сөйләштеләр
Автосервис өчен җир сатып алып, уңышсызлыкка дучар булган эшмәкәр Президентка зарланды
Миңнеханов эшмәкәрләргә татар мәкале белән җавап бирде

Фән һәм мәгариф

Айрат Хәйруллин “Тоталь диктант”ны татар телендә дә язарга тели

15 апрель 2018, 17:48

Әлмәт муниципаль районында “Тоталь диктант”ны 316 кеше язган.

(Казан, 15 апрель, “Татар-информ”). Әлмәт муниципаль районы башлыгы “Тоталь диктант” мәгариф акциясендә катнашты, дип хәбәр итә Әлмәт башкарма комитетының матбугат хезмәте.

Хәйруллин диктантны “Кванториум” технопаркында язган. Аңа тагын 100дән артык кеше кушылган. Алар башкарма комитет хезмәткәрләре, предприятие һәм оешма җитәкчеләре, җирле үзидарә башлыклары һәм башкалар. Район буенча “Тоталь диктант”та барлыгы 316 кеше катнашкан.

Диктант язуда катнашучыларны урам театры артистлары каршылаган. Чара төгәлләнгәч, “Лев Толстой. Как воспитать человека?” фильмы күрсәтелгән.

Текстны икенче лицейдан рус теле һәм әдәбияты укытучысы, Татарстанның атказанган укытучысы Людмила Кузнецова укыган.

“Әлеге чара һәркайсыбыз өчен яхшы тәҗрибә. Беренче чиратта, үз-үзең белән көрәш ул”, - дигән Айрат Хәйруллин. Аның фикеренчә, шундый диктантны татар телендә дә язарга мөмкин. “Ике телне дә белгән вакытта синең өчен яңа киңлекләр ачыла”, - дип билгеләп үткән ул.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10