ҺАВА ТОРЫШЫ +2 oC

Яңалыклар

барлык хәбәрләр Татарстан Россия
МӨҺим
Резеда Хәева: Спиртлы эчемлекләр куллану кешедә 60 төрле авыру китереп чыгарырга мөмкин
Хәлил Шәйхетдинов: Татарстан җыелма командасының бурычы - мактау пьедесталына эләгү
Телне куллану иреклелеген өйрәнү иреклелеге белән алмаштырырга җыеналар кебек - депутат
Зөһрə Шəрифуллина: Татар шəхеслəренең исемнəрен агач утыртып кына да мəңгелəштереп була
Татарстанның Яшел Үзән районында тепловозга ут капкан

Спорт

“Ак Барс” финалны җиңү белән башлады

14 апрель 2018, 19:39 , Фото: Ильнар Тухбатов

“Ак Барс” финалны җиңү белән башлады Станислав Галиевның ике алкасы “Ак Барс”ка җиңү китерде.

(Казан, 14 апрель, “Татар-информ”, Алмаз Шиһабетдинов). Казанның “Ак Барс” командасы Континенталь хоккей лигасының финалын җиңү белән башлады. Татар егете Станислав Галиев Казанда узган уенда ике алка кертте.

Исегезгә төшерәбез, Гагарин Кубогында “Ак Барс” Мәскәүнең ЦСКА командасы белән очраша. Ике команда арасындагы исәп – 1:0.

Ике команда да уенны саклык белән башлады. Финалда кечкенә генә хата да зур бәлага әйләнергә мөмкин. Шуңа уенда алдан ук күп алкалар көтелмәде. Беренче алканы Казан командасы уенчысы Станислав Галиев кертте.

Икенче период кунаклар исәбендә булды. Мәскәү командасы уенчылары уенны тигезли алды, тик алга китә алмады.

Өченче периодта Данис Зарипов пасы ярдәмендә Станислав Галиев “Ак Барс”ны финалда алга чыгара.

Шулай итеп, соңгы исәп - 2:1.

“Ак Барс” белән ЦСКА арасында барган серия 16 апрель көнне Казанда 19:00 сәгатьтә дәвам итәчәк.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10