ҺАВА ТОРЫШЫ +3 oC

Яңалыклар

барлык хәбәрләр Татарстан Россия
МӨҺим
Резеда Хәева: Спиртлы эчемлекләр куллану кешедә 60 төрле авыру китереп чыгарырга мөмкин
Хәлил Шәйхетдинов: Татарстан җыелма командасының бурычы - мактау пьедесталына эләгү
Телне куллану иреклелеген өйрәнү иреклелеге белән алмаштырырга җыеналар кебек - депутат
Зөһрə Шəрифуллина: Татар шəхеслəренең исемнəрен агач утыртып кына да мəңгелəштереп була
Татарстанның Яшел Үзән районында тепловозга ут капкан

Фән һәм мәгариф

Кайбыч районы укучылары Лев Толстой иҗатын яратып өйрәнә

14 апрель 2018, 03:00

Кайбыч районы укучылары Лев Толстой иҗатын яратып өйрәнә Быел Татарстанда игълан ителгән Лев Толстой елы уңаеннан район мәктәпләрендә төрле чаралар үткәрелә.

(Кайбыч, 14 апрель,  "Татар-информ", "Кайбыч таңнары", Людмила Путятинская). Быел Татарстанда игълан ителгән Лев Толстой елы уңаеннан Кайбыч районы мәктәпләрендә төрле чаралар үткәрелә.Олы Подберезье мәктәбендә дә, бөтен дөньяга мәгълүм классик әсәрләр иҗат иткән язучыга багышлап, бер төркем чаралар үткәрелде, дип яза җирле басма.

Китапханәче Светлана Устимова укучыларны Лев Толстой китаплары буенча үзе әзерләгән күргәзмә белән таныштырды. Ә игелек атнасында биредә «Эрудитлар» бәйгесе үткәргәннәр, анда 10-11 класс укучылары катнашкан. Мәктәптән хәбәр итүләренчә, алар, ике командага бүленеп, язучының тормыш юлы һәм әсәрләре буенча белемнәрен сынаган. Укучылар өйгә бирелгән биремгә – бөек рус классигының әсәрләреннән өзек әзерләүгә дә җитди караган. Яшь һәм чибәр Наташа Ростованы да, киң күңелле Пьер Безуховны да, Анна Каренинаны да бик тиз таныганнар. Мәктәптә класстан тыш уку дәресләре үткәрелә, экскурсия, эзләнү характерындагы эшләр һәм башка чаралар да планлаштырылган.

Җиденче класста белем алучы Алина Шебалова укучыларның уналтынчы республикакүләм фәнни-гамәли конференциясендә катнашкан. «Лев Толстой турында шулкадәр күп мәгълүмат белдек, хәзер аның барлык әсәрләрен дә укып чыгасыбыз килә», – диде укучылар.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10