ҺАВА ТОРЫШЫ +3 oC

Яңалыклар

барлык хәбәрләр Татарстан Россия
МӨҺим
Резеда Хәева: Спиртлы эчемлекләр куллану кешедә 60 төрле авыру китереп чыгарырга мөмкин
Хәлил Шәйхетдинов: Татарстан җыелма командасының бурычы - мактау пьедесталына эләгү
Телне куллану иреклелеген өйрәнү иреклелеге белән алмаштырырга җыеналар кебек - депутат
Зөһрə Шəрифуллина: Татар шəхеслəренең исемнəрен агач утыртып кына да мəңгелəштереп була
Татарстанның Яшел Үзән районында тепловозга ут капкан

Дин

Азнакайда иң яхшы Коръән укучыга хаҗга юллама биреләчәк

13 апрель 2018, 21:42

“Соңгы ике җүз” номинациясендә җиңгән кеше гомрәгә юллама белән бүләкләнәчәк.

(Казан, 13 апрель, "Татар-информ"). Азнакайда иң яхшы Коръән укучыга хаҗга юллама биреләчәк. Бу турыда Татарстан мөселманнары Диния нәзарәте матбугат хезмәте хәбәр итте.

Иртәгә Азнакай шәһәренең Мәдәният сараенда “Әсләм” Коръән укучылар төбәкара конкурсы узачак. Әлеге бәйгене әтиләре Әсләм Шакиров истәлегенә бертуган Шакировлар башлангычы белән Татарстан Республикасы мөселманнары Диния нәзарәте катнашында Азнакай муниципаль районы администрациясе, Татарстанның көньяк-көнчыгыш казыяте, Азнакай шәһәре һәм Азнакай районы мөхтәсибәте үткәрә.

Хәбәрдә әйтелгәнчә, конкурс Россия гражданнары булган, татар, йә башкорт телләрен белүче ир-егетләр арасында оештырыла. Конкурсантлар тәҗвид кагыйдәләре белән Кәлам шәрифнең соңгы ике яки соңгы дүрт җүзен белү буенча көч сынашачак. Һәрбер казыят конкурска өчтән дә күп булмаган санда катнашучы тәкъдим итә ала.

Конкурста җиңүчеләргә кыйммәтле бүләкләр бирәчәкләр. “Соңгы дүрт җүз” номинациясендә беренчелекне яулаган катнашучы хаҗга юллама алачак. “Соңгы ике җүз” номинациясендә җиңгән кеше гомрәгә юллама белән бүләкләнәчәк. Моннан тыш, барлык катнашучыларга да кызыксындыру бүләкләре биреләчәк.

Конкурс турында мәгълүмат алу өчен телефоннар: 89172517205, 89196334433. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10