ҺАВА ТОРЫШЫ +6 oC

Яңалыклар

барлык хәбәрләр Татарстан Россия
МӨҺим
Роза Тихомирова Казанны таң калдыра, дип саный җырчы Ләйсән Мәхмүтова
Салехард татар яшьләре "Мин татарча сөйләшәм!" акциясенә кушыла
Туган телләрне ихтыяри өйрәнү турында закон проекты яхшылыкка илтмәячәк – депутат
Рөстәм Миңнеханов Габдулла Тукай исемендәге Дәүләт бүләкләрен тапшырды
Рөстәм Миңнеханов Төркиягә эш сәфәре белән бара

Авыл

Татарстанда һәр мал хуҗасына искәртү-кисәтү кәгазьләре таратыла

12 апрель 2018, 17:33 , Фото: Михаил Захаров

Татарстанда һәр мал хуҗасына искәртү-кисәтү кәгазьләре таратыла Әлеге белешмәлекләрдә хайваннарда төп йогышлы авыруларның билгеләре һәм саклану чаралары язылган.

(Казан, 12 апрель, “Татар-информ”, Чулпан Шакирова). Республиканың мал тотучы шәхси хуҗалыкларына Татарстан Президенты һәм авыл хуҗалыгы министры карары нигезендә, вакцинанация процедуралары белән бергә, махсус кисәтү-искәртү белешмәлеге таратыла. Бу хакта бүген “Татар-информ”да узган матбугат очрашуында билгеле булды.

“Әлеге кәгазьләр хуҗаларга имза куйдырып бирелә. Анда төп йогышлы авырулар – себер язвасы, бруцеллез, нодуляр дерматит, дуңгызлардагы Африка чумасы, кош гриппы кебек авыруларның билгеләре һәм саклык чаралары язылган”, – диде ТР Министрлар Кабинеты Баш ветеринария идарәсенең эпизоотиягә каршы эшләр бүлеге башлыгы Александр Козлов.

Аның сүзләренчә, һәр мал хуҗасы үз малы өчен үзе җавап бирергә, җаваплылык тоярга тиеш.

“Малда теге яки бу үзгәрешләр күзәтелсә (малның егылуы, вакытыннан алда бозавы төшү яки терлекнең үзен гайре табигый тотуы) ул бу хакта мал табибына бер тәүлек эчендә хәбәр итәргә тиеш”, – ди бүлек башлыгы.

Исегезгә төшерик, “Татар-информ” алдарак Татарстан малларына нодуляр дерматит чире үтеп керергә мөмкин һәм 2017 елда ветеринария өлкәсендә 2 мең 190 тәртип бозу очрагы күзәтелгән дип тә язган иде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10