ҺАВА ТОРЫШЫ +24 oC

Яңалыклар

барлык хәбәрләр Татарстан Россия
МӨҺим
Васил Шәйхразиев Алтай краенда Сабан туе мәйданы белән танышты
Башкортстан вәкилләре Словениядә бал кортларына багышланган конференциядә катнашты
Доллар бәясе 61 сум 67 тиен булды
Казанда Вознесенский тракты төзелеше өчен Сосновкадагы йортлар сүтелмәячәк
Татарстанда гражданнарга бушлай юридик ярдәм күрсәтү системасында 148 адвокат катнаша

Җәмгыять

ТАССРның 100 еллыгы уңаеннан җыентык чыгаруга 1,8 млн сум акча тотылган

10 апрель 2018, 13:51 , Фото: Александр Эшкинин

ТАССРның 100 еллыгы уңаеннан җыентык чыгаруга 1,8 млн сум акча тотылган 2 томлык җыентыкта архив документлары һәм фотоматериаллар урын алган.

(Казан,”Татар-информ”, Фәридә Филатова). ТАССРның 100 еллыгы уңаеннан  җыентыклар чыгаруга 1 млн.800 сум акча бүлеп бирелгән. “Татар-информ” мәгълүмат агентлыгында әлеге китапларны тәкъдим итү уңаеннан  матбугат очрашуында архив эше буенча Татарстан дәүләт комитеты рәисе Ирада Әюпова шулай дип белдерде.

Пресс-конференция посвященная презентации сборника к 100-летию образования ТАССР

Әлеге җыентык ике томнан тора. Аның берсе - тарих белән кызыксынучылар өчен. Ул архив документларына нигезләнә. Икенче том бүләк форматында эшләнгән - күбрәк фотоматериаллар һәм кызыклы документларны үз эченә алган.

“Җыентыкларга узган гасырның 17нче елына кадәрге тарих белән бәйле материаллар кертелде. Бу - ТАССРның 100 еллыгына багышланган проектларның берсе. Киләчәктә без республиканың 1920 елга кадәрге тарихын үз эченә алган тагын ике томлык чыгаруны күздә тотабыз”, - диде Ирада Әюпова.

Пресс-конференция посвященная презентации сборника к 100-летию образования ТАССР

Басмада моңарчы бер җирдә дә басылмаган документлар дөнья күргән. Архив материалларына нигезләнгән җыентык Россия мөселманнарының Петроградка, Дәүләт Думасы рәисе исеменә юлланган телеграммалары белән башланып китә. Мәсәлән, алар арасында Казан уезды Әтнә волосте мөселман руханилары исеменнән язылганы да бар. Указлы мулла Баязитов исеменнән 1917 елның 15нче мартында юлланган әлеге телеграммада яңа хөкүмәткә ирек өчен көрәштә ныклык күрсәтүе уңаеннан хөрмәт белдерелгән һәм волость мөселманнарының дәүләтне яңача төзүдә һәрьяклап ярдәмгә әзер икәнлеге әйтелә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10