ҺАВА ТОРЫШЫ -1 oC

Яңалыклар

барлык хәбәрләр Татарстан Россия
МӨҺим
Рөстәм Миңнехановка гражданлык белеме буенча халыкара тикшеренү нәтиҗәләрен җиткерделәр
Санкт-Петербургта Габдулла Тукайны искә алдылар
23 апрельнең төп вакыйгалары - фото һәм сылтамалар
Казанда Зорге урамы буенча хәрәкәт чикләнә
Барнаулда беренче тапкыр заманча татар музыкасы яңгыраячак

Икътисад

Алексей Песошин: Алданган өлешчеләр мәсьәләсе 2020 елга тулысынча хәл ителергә тиеш

22 март 2018, 12:17

Алексей Песошин: Алданган өлешчеләр мәсьәләсе 2020 елга тулысынча хәл ителергә тиеш Республикада 33 проблемалы объект бар; алардан 4 мең 211 кеше фатир алган.

(Казан, 22 март, «Татар-информ», Надежда Гордеева). 2020 елга Татарстанда алданган өлешчеләр мәсьәләсе тулысынча хәл ителергә тиеш. Республика Премьер-министры Алексей Песошин бишенче чакырылыш Дәүләт Советының 36нчы утырышында шул хакта белдерде. Ул 2017 елда төбәк башкарма хакимият органнары эшчәнлеге турында хисап тотты.

ТР Хөкүмәте башлыгы билгеләп үткәнчә, проблемалы объектлар белән эш дәвам итә. Узган елда Казанда 1360 фатирлы  шундый алты торак йорт файдалануга тапшырылган.

«Республикада 33 проблемалы объект бар. Аларда 4 мең 211 кеше фатир алган, - дип искәртте Песошин. - Бу мәсьәлә аерым контрольдә тотыла. ТР Президенты карары белән намуссыз төзелеш компанияләренең гамәлләреннән зыян күргән кешеләргә ярдәм күрсәтү буенча Республика фонды оештырылды».

Премьер сүзләренчә, быел – 21 объектта (аларның 7се сафка бастырылган инде), 2019 елда – 5 объектта, 2020 елда 7 объектта төзелеш эшләрен тәмамлау күздә тотыла.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10