ҺАВА ТОРЫШЫ -1 oC

Яңалыклар

барлык хәбәрләр Татарстан Россия
МӨҺим
Рөстәм Миңнехановка гражданлык белеме буенча халыкара тикшеренү нәтиҗәләрен җиткерделәр
Санкт-Петербургта Габдулла Тукайны искә алдылар
23 апрельнең төп вакыйгалары - фото һәм сылтамалар
Казанда Зорге урамы буенча хәрәкәт чикләнә
Барнаулда беренче тапкыр заманча татар музыкасы яңгыраячак

Спорт

Фәрит Мөхәммәтшин Казанда волейбол беренчелеге булмаганга шаккатты

21 март 2018, 18:53 , Фото: gossov.tatarstan.ru

Фәрит Мөхәммәтшин Казанда волейбол беренчелеге булмаганга шаккатты “Начар эшләгәннәр”, - диде Татарстан Волейбол федерациясе президенты Казан башкарма комитеты спорт комитеты эшчәнлегенә бәя биреп.

(Казан, 21 март, “Татар-информ”, Алия Җамалиева). Татарстан Дәүләт Советы Рәисе, Татарстан Волейбол федерациясе президенты Фәрит Мөхәммәтшин Казанда волейбол буенча беренчелек булмауга шаккатты.

“Начар эшләгәнбез, минус”, - дип шәрехләде ул федерациянең хисап җыелышында.

Проблеманы хөкемдар Юрий Морозов күтәргән. “Яшел Үзән, Балык Бистәсе беренчелеге үткәрелә, ә волейбол буенча Казан шәһәре беренчелеге юк. Шәһәр комитетыннан ике ел элек ярышлар үткәрү турында сораганнар, әмма ул баш тарткан. Республиканың иң яхшы шәһәре волейбол буенча беренчелек үткәрми”, - диде Морозов.

Республика Волейбол федерациясе башкаручы директоры Мансур Кәримов Казан башкарма комитетың спорт комитетының элеккеге рәисе Илгиз Фәхриев булганда беренчелек үткәреп булмады, әмма яңа җитәкчелек килгәч ярышлар узар, дип билгеләп үтте.

“Сез Казанда волейбол буенча беренчелек үткәрелмәвен раслыйсызмы?” – дип сорау бирде Фәрит Мөхәммәтшин чыгыш ясаучыга. “Казан районнары буенча ярышлар уза? Юк! Бу нәрсә? Казанда күп чаралар уза дип өметләнү – ул Казан хезмәте түгел. Ул Спорт министрлыгы хезмәте”, - диде федерация президенты.

Фәрит Мөхәммәтшин Казан муниципаль берәмлеге җитәкчесенең беренче урынбасары Евгения Лодвигова федерациягә килү белән вазгыять яхшыга үзгәрәчәк, дип ышануын белдерде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10