ҺАВА ТОРЫШЫ +24 oC

Яңалыклар

барлык хәбәрләр Татарстан Россия
МӨҺим
Казанның "Көнчыгыш" автовокзалыннан Мәскәүгә яңа маршрут ачыла
Васил Шәйхразиев Алтай краенда Сабан туе мәйданы белән танышты
Башкортстан вәкилләре Словениядә бал кортларына багышланган конференциядә катнашты
Доллар бәясе 61 сум 67 тиен булды
Казанда Вознесенский тракты төзелеше өчен Сосновкадагы йортлар сүтелмәячәк

Спорт

Татар көрәше турында беркайчан бер диссертация дә язылмаган

20 март 2018, 18:57

Татар көрәше турында беркайчан бер диссертация дә язылмаган Безгә фәнни әзерлек, фәнни караш бик җитмәве күренә, ди яшь галим һәм көрәш буенча дөнья чемпионы Азат Нурмөхәммәтов.

(Казан, 20 март, "Татар-информ", Рузилә Мөхәммәтова). Татар көрәше фәнни яктан өйрәнелеп бер диссертация дә язылмаган. Бу хакта көрәш буенча беренче диссертацияне язучы яшь галим һәм көрәш буенча дөнья чемпионы Азат Нурмөхәммәтов әйтте. Әлеге мәгълүмат “Татар-информ”да уздырылган матбугат конференциясендә яңгырады.

“Безгә фәнни әзерлек, фәнни караш бик җитмәве күренә. Мәсәлән, ирекле көрәш, грек-рим көрәше буенча соңгы ун елда чыккан 200ләп китап табып була. Ә көрәшкә килсәк, чагыштыра торган түгел. Соңгысы һәм мин аны бердәнбер дип беләм, башкорт көрәше буенча 2004 елда чыккан гыйльми эш. Аның авторы – Геннадий Полька”, - диде ул. - Соңгы методик кулланма да 2013 елларда чыккан. Соңгы 5 елда чыккан тотып алып укырлык кулланма юк”.

“Безнең көрәшне бүтән Олимпия спорты төрләре дәрәҗәсенә күтәрер өчен фәнни дәрәҗәдә эшләү җитеп бетми, - ди Россия җыелма көрәш командасының баш тренеры Фәрит Шәйхетдинов. - Соңгы елда мөмкинлекләр барлыкка килде. Казанда Идел буе дәүләт физик культура, спорт һәм туризм академиясе эшли. Көрәшчеләребез шушы ВУЗда укыйлар. Алар диплом алгач та, биредә калып, көрәш өчен методик кулланмалар әзерләрләр дип уйлыйбыз. Татарстанда югары белемле әзерлекле тренерларыбыз булса, төбәкләрдә алар җитеп бетми. Андый кулланмалар төрле телләрдә чыгарылырга тиеш”.

Хәзерге вакытта Идел буе дәүләт физик культура, спорт һәм туризм академиясе аспиранты Азат Нурмөхәммәтов көрәш буенча кандидатлык диссертациясен яза. “Минем эшем әзер булгач, бәлки, Россия Көрәш федерациясе ярдәмендә методик кулланма итеп бастырып булыр”, - ди ул.

“Татар көрәшенең фәнни дәрәҗәсе шундый егетләр кулында”, - ди Россия Көрәш федерациясе вәкилләре.

Искәртеп үтәбез, “Көрәш спорты үсешенең яңа этабы” дип аталган матбугат конференциясендә Россия җыелма көрәш командасының баш тренеры Фәрит Шәйхетдинов, Россия Көрәш Федерациясенең вице-президенты Равил Ногманов, көрәш буенча Россия чемпионнары Азат Нурмөхәммәтов һәм Булат Мусин катнашты. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10