Татарстанда балалар бакчаларын һәм мәктәпләрне төзекләндерүгә 529,9 млн сум бүленгән

(Казан, 20 март, “Татар-информ”). Татарстанда 29 балалар бакчасын һәм мәктәпне төзекләндерүгә 529,9 млн сум акча бүлеп бирелгән.

Татарстанның Баш инвестицион-төзелеш идарәсе дәүләт сатып алулары порталында ике тендер бастырып чыгарган.

11 мәктәпне капиталь төзекләндерүгә - 268,5 млн сум, 18 балалар бакчасына 261,4 млн сум акча бүленгән. Башкаручы як эшләрне быел 20 августка кадәр төгәлләргә тиеш.