ҺАВА ТОРЫШЫ +2 oC

Яңалыклар

барлык хәбәрләр Татарстан Россия
МӨҺим
Чаллыда дүрт яшьлек кыз тәрәзәдән егылып төшкән өчен, әти-әнисенә җинаять җаваплылыгы яный
Электрон ветеринария сертификаты булмаган шәхси эшмәкәрләр продукция сата алмый
Татарстанда продукцияне электрон озату буенча айга 1 млн 300 мең данә сертификат бирелә
Казанда узачак Республика ифтары көннәре билгеле булды
Татарстанда «Хизб ут-Тәһрир» террорчылык оешмасының ундүрт әгъзасы тоткарланган

Татар дөньясы

Санкт-Петербургтагы «Татар йорты»нда «Ш.Мәрҗанинең тормышы һәм иҗаты» турында лекция узды

20 март 2018, 11:28 , Фото: tatspb.tatarstan.ru

Санкт-Петербургтагы «Татар йорты»нда «Ш.Мәрҗанинең тормышы һәм иҗаты» турында лекция узды Чара кысаларында шулай ук «Татарлар тарихы» һәм «Шиһабетдин Мәрҗани» дигән фәнни-документаль фильмнар күрсәтелде.

(Казан, 20 март, «Татар-информ»). 17 мартта, Санкт-Петербургның Милли әдәбиятлар китапханәсендә, Татарстан Республикасы Даими вәкиллеге тарафыннан оештырылган «Татар йорты» мәдәни-агарту проекты кысаларында, «Шиһабетдин Мәрҗанинең тормышы һәм иҗаты» дигән лекция узды. Бу хакта Татарстан Республикасының Санкт-Петербург шәһәре һәм Ленинград өлкәсендәге Даими вәкиллеге матбугат хезмәте хәбәр итә.

Лекция мәшһүр татар дин эшлеклесе һәм галименең тууына 200 ел тулуга багышлап үткәрелде. Чарага татар җәмәгатьчелеге вәкилләре, яшьләр, иҗат әһелләре, тарихчылар һәм татар мәгърифәтчесенең иҗаты белән танышырга теләгән кешеләр чакырылган иде. Лекцияне Татарстан Фәннәр академиясенең Ш.Мәрҗани исемендәге Тарих институты өлкән фәнни хезмәткәре Рамил Әдһәмов үткәрде.

Ул халык массаларына дини-дөньяви белем бирү кирәклеген беренчеләрдән булып аңлаган Шиһабетдин Мәрҗанинең (1818-1884) тормыш юлы һәм иҗади эшчәнлеге хакында сөйләде. Мәрҗани идеяләре Идел буе һәм Көньяк Уралдагы дини даирәләрдә, аеруча мәдрәсә шәкертләре арасында дәвам иттерелә.

Чара кысаларында шулай ук «Татарлар тарихы» һәм «Шиһабетдин Мәрҗани» дигән фәнни-документаль фильмнар күрсәтелде. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10