ҺАВА ТОРЫШЫ +2 oC

Яңалыклар

барлык хәбәрләр Татарстан Россия
МӨҺим
Электрон ветеринария сертификаты булмаган шәхси эшмәкәрләр продукция сата алмый
Татарстанда продукцияне электрон озату буенча айга 1 млн 300 мең данә сертификат бирелә
Казанда узачак Республика ифтары көннәре билгеле булды
Татарстанда «Хизб ут-Тәһрир» террорчылык оешмасының ундүрт әгъзасы тоткарланган
Татарстанның ЮХИДИ идарәсе яңа хезмәткәрләр җыя

Җәмгыять

Синоптиклар Татарстанга карлы циклон якынлашу турында кисәтә

19 март 2018, 21:41 , Фото: архив/Рамиль Гали

Синоптиклар Татарстанга карлы циклон якынлашу турында кисәтә             Республикада кышкы һава торышы саклана. Чәршәмбе, пәнҗешәмбе кар явачак. Кар катламы тагын 2-3 мм га артачак, ди белгечләр.

(Казан, 19 март, “Татар-информ”, Наталья Рыбакова). Кара диңгездән Татарстанга карлы яңа циклон якынлаша. Бу хакта бүген “Татар-информ”га Татарстан Гидрометеорология һәм әйләнә-тирә мохитне күзәтү идарәсендә хәбәр иттеләр.

“Пәнҗешәмбе, 22 мартта, республика янәдән көньяк-көнбатыштан килгән катнаш циклон йогынтысында булачак. Ул Кара диңгездән Татарстанга кар алып киләчәк, урыны белән көчле кар явачак. Аерым районнарда буран көтелә. Температура төнлә 5-10 градус салкын, көндез 0-5 градуска кадәр салкын булачак. Юлларда бозлавык һәм кар көртләре саклана”, - дип сөйләде Татарстан Гидрометеорология һәм әйләнә-тирә мохитне күзәтү идарәсенең метеофаразлау бүлеге җитәкчесе Ирина Трущина.

Эксперт сүзләренчә, якын көннәрдә һава торышында зур үзгәрешләр булмаячак. Республикада кышкы һава торышы саклана. Алдагы тәүлектә көньяк районнарда бераз кар явачак. Минималь температура 12-17 градус салкын, аязган вакытта урыны белән −24 градуска җитәчәк. Иртәгә көндез 4-9 градус салкын көтелә. Алдагы чәршәмбедә, 21 мартта, явым-төшем күзәтелмәячәк. 11-16 градус салкын, көнчыгыш районнарда аязганда -20 градус булуы мөмкин. Көндез бераз җылыта, 2-7 градус салкын көтелә.

КФУның Экология һәм табигый байлыклардан файдалану институтының метеорология, климатология һәм атмосфера экологиясе кафедрасы җитәкчесе Юрий Переведенцев республикага төньяк салкыны килә, шунлыктан температура түбән, дип белдерде.

“Һава температурасы якын декадада нормадан 5 градуска түбәнрәк булачак. Бу һава массаларының төньяктан һәм Арктикадан килүе белән бәйле. Республикада кичә көчле кар яуды. Тәүлегенә 8 мм явым-төшем булды. Бу карның айлык нормасының өчтән бер өлеше дигән сүз. Чәршәмбе, пәнҗешәмбе дә кар явачак. Кар катламы тагын 2-3 мм га артачак”, - диде КФУ эксперты. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10