ҺАВА ТОРЫШЫ +16 oC

Яңалыклар

барлык хәбәрләр Татарстан Россия
МӨҺим
Татарстан китап нәшрияты китапларын “Кызыл мәйдан-2018” фестивалендә тәкъдим итәләр
Татарстанның кайбер хуҗалыкларында язгы чәчүне төгәлләделәр
Казанда футбол буенча Дөнья чемпионаты вакытында митинглар үткәрүне чикләячәкләр
23 майның төп вакыйгалары - фото һәм сылтамалар
Фәрит Мөхәммәтшин татарстанлыларны Cлавян язуы һәм мәдәнияте көне белән котлады

Хәвеф-хәтәр

Олег Табаков вафат булды

12 март 2018, 16:50

Мәскәүдә СССРның халык артисты, Чехов исемендәге Мәскәү сәнгать театры һәм "Табакерка" сәнгать җитәкчесе Олег Табаковның гомере өзелгән.

(Казан, 12 март, “Татар-информ”). Мәскәүдә СССР халык артисты, Чехов исемендәге Мәскәү сәнгать театры һәм "Табакерка"  сәнгать җитәкчесе Олег Табаков вафат булды, дип хәбәр иткән РИА “Новости”га театрның матбугат хезмәте.

82 яшьлек Олег Табаков ноябрь ахырында хастаханәгә ятуы билгеле булган иде. Соңрак матбугат чаралары, Яңа ел алдыннан хәле әйбәтләнгән булуга карамастан, артистның үпкәләренә ясалма сулыш аппараты тоташтырылуы хәбәр итте.

Матбугат чаралары мәгълүматы буенча, табиблар Табаковның туганнары дин әһелен хастаханәгә чакыруларын раслаган.

Табаков "Полеты во сне и наяву", "Человек с бульвара Капуцинов", "Ближний круг", "Сирота казанская" кебек киноларда уйнады.

Күп кенә мульфильм геройлары аның тавышы белән сөйләшә. "Бобик в гостях у Барбоса", "Трое из Простоквашино", "Каникулы в Простоквашино", "Зима в Простоквашино", "Ежик плюс черепаха" мультфильмнары аша Олег Табаков тавышы балаларга таныш.

Олег Табаковның хатыны, актриса Ольга Зудина, дүрт баласы калды.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10