ҺАВА ТОРЫШЫ +12 oC

Яңалыклар

барлык хәбәрләр Татарстан Россия
МӨҺим
Татарстанда беренче тапкыр татарча тифлокомментарийлы спектакль күрсәтелде
Арчада ат ярышы узды
Төркия Президенты аңа һөҗүм әзерләнү турындагы хәбәргә фикерен белдерде
Казан марафоны-2018 җиңүчеләре билгеле булды
Ютазы укучылары “Татарстанның чиста урманнары” акциясендә чишмә яннарын чистартты

Рәсми Татарстан

Рөстәм Миңнеханов сөт бәяләре мәсьәләсендә Дмитрий Медведевка мөрәҗәгать итәчәген әйтте

14 февраль 2018, 13:26

Рөстәм Миңнеханов сөт бәяләре мәсьәләсендә Дмитрий Медведевка мөрәҗәгать итәчәген әйтте Президент Сочида узачак киңәшмәдә шушы мәсьәләне күтәрергә вәгъдә бирде.

(Казан, 14 февраль, "Татар-информ", Гөлнар Гарифуллина). Сөт бәяләре белән бәйле вазгыять буенча Татарстан Республикасы Президенты Рөстәм Миңнеханов федераль үзәккә мөрәҗәгать итәчәге турында белдерде. Бүген шушы үтенечне Президентка Авыл хуҗалыгы һәм азык-төлек министрлыгының коллегия утырышында җиткерделәр.

"Бу мәсьәләне хәл итәргә кирәк", - дигән сүзләр белән мөрәҗәгать итте Әтнә районы башлыгы Габделәхәт Хәкимов. Ул бу проблеманы хәл итәрлек дип саный.

Рөстәм Миңнеханов Сочида узачак киңәшмәдә шушы мәсьәлә буенча Дмитрий Медведев белән сөйләшеп караячагын әйтте. "Белешмә дә, язма мөрәҗәгать тә әзерләргә кирәк. Мин аның янына шәхсән үзем барачакмын. Бу мәсьәләне киңәшмәдә күтәрәчәкмен. Бүген үк кирәкле материаллар тапшырылсын иде. Вәгъдә бирәм, бу юнәлештә эшләячәкмен", - диде.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10