ҺАВА ТОРЫШЫ +7 oC

Яңалыклар

барлык хәбәрләр Татарстан Россия
МӨҺим
Татар иҗади яшьләре Тукай шигырен шагыйрь язган иске татар әдәби телендә укыды
26 апрельдә Чернобыль фаҗигасе корбаннары искә алынды
Марат Бариевның әнисе, авыру булса да, "Тукайны онытмыйбыз" флешмобына кушылган
26 апрельнең төп вакыйгалары - фото һәм сылтамалар
Кайбыч районында су баскан йорт-җир хуҗаларына 74 мең сум иминият акчасы түләгәннәр

Рәсми Татарстан

Чистайда яңа балалар поликлиникасы ачылды

13 февраль 2018, 15:42 , Фото: tatarstan.ru

Чистайда яңа балалар поликлиникасы ачылды Медицина учреждениесендә «Дустанә поликлиника» системасы гамәлгә кертелгән.

(Чистай, 13 февраль, «Татар-информ», Диана Авакян). Татарстан Президенты Рөстәм Миңнеханов Чистай үзәк район хастаханәсенең шәһәр балалар поликлиникасын ачу тантанасында катнашты.

Медицина учреждениесен сафка бастыру өчен республика бюджетыннан 202,7 миллион сум акча бүленгән. Поликлиника бер сменага 200 пациентны кабул итә алачак. Яңа бинаның мәйданы 2,5 мең квадрат метрдан артып китә. Медицина учреждениесендә «Дустанә поликлиника» системасы гамәлгә кертелгән.

«2017-2018 елларда без Чистайда гына түгел, ә тулаем алганда республикада бөтен поликлиникаларны тәртипкә китерү турында карар кабул иттек. Сезнең районда әлеге программага алты медицина учреждениесе керде. Бездә булган рейтинглардан күренгәнчә, сезнең районда медицина хезмәтенең сыйфатына карата халыкта дәгъвалар күп»,- дип искәртте Рөстәм Миңнеханов үз чыгышында.

Аннары Рөстәм Миңнеханов, ТР сәламәтлек саклау министры Гадел Вафин, район башлыгы Денис Иванов һәм поликлиниканың баш табибы Рәис Мостафин озатуында яңа медицина учреждениесе белән танышты.

Беренче катта кабул итү-карау фильтры, картотека, уен бүлмәсе, процедура, кан алу, рентгенология, хирург-травматолог, эндокринолог-невролог кабинетлары һ.б. бүлмәләр бар. Икенче катта педиатрия бүлеге, процедура һәм прививка ясау, функциональ диагностика һәм башка профильдәге табибларның бүлмәләре урнашкан. Моннан тыш, анда сәламәт бала кабинеты һәм медицина-социаль ярдәм күрсәтү бүлеге дә бар.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10