ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
Эльмира Кәлимуллина Дөнья чемпионатында үз репертуарыннан татарча җырлар башкарачак
Зәйдә 178 унберенче сыйныф укучысы өчен соңгы кыңгырау яңгырады
Чемпионат вакытында Казан илчеләрне, Россия йолдызларын кабул итәчәк
Казанда «Дөнья энҗесе-2018» матурлык бәйгесенең финалы узачак
Казан мэры Илсур Метшин биш мең укучыга “соңгы кыңгырау” чыңлатты

Спорт

Зәйдә “Россия чаңгы юллары-2018” акциясендә 5 меңнән артык кеше катнашты

11 февраль 2018, 07:00 , Фото: zainsk-rt.ru

Зәйдә “Россия чаңгы юллары-2018” акциясендә 5 меңнән артык кеше катнашты Ярышларда катнашучылар коймак белән чәй эчеп, кыр кухнясында әзерләнгән боткадан авыз итте.

(Зәй,  11 февраль, “Татар-информ”, “Зәй офыклары”, Энҗе Әгъләмова). Кичә “Россия чаңгы юллары-2018” акциясендә 5800 кеше катнашты. Әлеге чара һәр елны мөмкин кадәр күбрәк кешене сәламәт яшәү рәвеше алып баруга тарту максатыннан оештырыла. Зәйдә ул Яңа шәһәр урманындагы чаңгы трассасында үтте, дип яза район газетасы.

Ярышларны тантаналы төстә ачуда район башлыгы Разиф Кәримов, аның урынбасары Валерий Акатьев, башкарма комитет җитәкчесе Илнар Хафизов, аның урынбарасы Александр Чапков катнаштылар.

Чаңгы юлларында беренче старт бакча яшендәге балаларга бирелде. Аларны төрле яшьтәге мәктәп укучылары, яшьләр, оешма-предприятиеләр коллективлары, өлкән яшьтәгеләр алыштырды.

Биредә үк концерт программасы, “Май чабу” бәйрәме, “Күңелле стартлар” ярышы да оештырылды. Кыскасы, кояш нурларын мул сипкән бу көндә Зәйдә чын спорт бәйрәме гөрләде. Ярышларда катнашучылар коймак белән чәй эчеп, кыр кухнясында әзерләнгән боткадан авыз итте. Ә авыл җирлекләрендә яшәүчеләр үз территорияләрендәге чаңгы юлларына чыкты.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10