ҺАВА ТОРЫШЫ +15 oC

Яңалыклар

барлык хәбәрләр Татарстан Россия
МӨҺим
Татарстан китап нәшрияты китапларын “Кызыл мәйдан-2018” фестивалендә тәкъдим итәләр
Татарстанның кайбер хуҗалыкларында язгы чәчүне төгәлләделәр
Казанда футбол буенча Дөнья чемпионаты вакытында митинглар үткәрүне чикләячәкләр
23 майның төп вакыйгалары - фото һәм сылтамалар
Фәрит Мөхәммәтшин татарстанлыларны Cлавян язуы һәм мәдәнияте көне белән котлады

Икътисад

Балык Бистәсе районының элеккеге башлыгы “Татагролизинг”ны җитәкләячәк

7 февраль 2018, 10:44

Балык Бистәсе районының элеккеге башлыгы “Татагролизинг”ны җитәкләячәк   Илһам Вәлиев лизинг компаниясенең хәзерге генераль директоры Азат Җиһаншинны алыштырачак.

(Казан, 7 февраль, “Татар-информ”). Балык Бистәсе районының элеккеге башлыгы Илһам Вәлиев “Татагролизинг”ны җитәкләячәк, дип хәбәр итте “Аппаратная” аноним Telegram-каналы.

Лизинг компаниясен 2013 елның гыйнварыннан генераль директор Азат Җиһаншин җитәкләгән. Илһам Вәлиев аны алыштырачак.

“Татагролизинг” — Татарстандагы агросәнәгать комплексы өлкәсендә машина төзелеше продукциясе белән тәэмин итүче эре лизинг компанияләренең берсе.

Илһам Вәлиев Балык Бистәсе районы башлыгы вазифасын 2010 елдан башкарып килде һәм ул постны 2017 елның гыйнвар урталарында калдырды. Аннан алда, 2006 елдан ул Аксубай районы башлыгы иде.

Вәлиев “Татарстан Республикасы алдындагы казанышлары өчен” ордены медаленә лаек булды.

Балык Бистәсе районы башкарма комитеты җитәкчесе вазифасын  вакытлыча -“Алабуга” махсус икътисади зонасы генераль директорының эксплуатация буенча элеккеге урынбасары Илдар Таҗетдинов  башкара. 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10