ҺАВА ТОРЫШЫ -1 oC

Яңалыклар

барлык хәбәрләр Татарстан Россия
МӨҺим
Рөстәм Миңнехановка гражданлык белеме буенча халыкара тикшеренү нәтиҗәләрен җиткерделәр
Санкт-Петербургта Габдулла Тукайны искә алдылар
23 апрельнең төп вакыйгалары - фото һәм сылтамалар
Казанда Зорге урамы буенча хәрәкәт чикләнә
Барнаулда беренче тапкыр заманча татар музыкасы яңгыраячак

Җәмгыять

“Бигеш”тән Алабугага, Әлмәткә һәм Ижевскига автобуслар җибәрү планлаштырыла

6 февраль 2018, 17:56 , Фото: Султан Исхаков

“Бигеш”тән Алабугага, Әлмәткә һәм Ижевскига автобуслар җибәрү планлаштырыла  Быел аэропорттан Түбән Камага шаттл йөри башлаячак.

(Казан, 6 февраль, “Татар-информ”, Надежда Гордеева). Быел “Бигеш” аэропортыннан Түбән Камага автобус җибәрү планлаштырыла. Шулай ук планда Алабугага, Әлмәткә һәм Ижевскига да автобуслар җибәрү карала. Бу хакта “Татар-информ” мәгълүмат агентлыгында узган матбугат конференциясендә “Бигеш” аэропорты коммерция директоры Феликс Козлов җиткерде.

“Аэропорт эшчәнлеге яхшы барсын өчен транспорт белән яхшы тәэмин ителеш кирәк. “Бигеш” аэропорты берничә шәһәр юлы чатында урнашкан. Без Чаллыдан һәм Түбән Камадан бер үк ераклыкта диярлек. Алабуга белән Әлмәт чак кына арырак”, - дип билгеләп үтте спикер.

Ул узган ел аэропорттан Чаллыга шаттл йөри башлавын җиткерде.

“Быел “Бигеш” аэропортыннан Түбән Камага автобус җибәрү планлаштырыла. Без мэрия белән бу мәсьәләдә хезмәттәшлек алып барабыз һәм җәй айларында бу шәһәргә дә шаттл җибәрергә уйлыйбыз, - дип сөйләде Козлов. – Ижевскиның үзенең халыкара аэропорты юк, шунлыктан чит илгә очучы Удмуртия пассажирлары Татарстан аэропортлары хезмәтеннән файдалана”.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10