ҺАВА ТОРЫШЫ -7 oC

Яңалыклар

барлык хәбәрләр Татарстан Россия
МӨҺим
Азнакайның Уразай авылында Ватан сакчылары көнен "Аҗаган" белән каршыладылар
Әтнәдән “Яшьлек” театр төркеме “Иделкәем” ярымфиналы җиңүчесе булды
18 февральнең төп вакыйгалары - фото һәм сылтамалар
Алабугада яшәүчеләр Май чабу бәйрәмендә күңел ачты
Рөстәм Миңнеханов Пхёнчхандагы Олимпиадада уңышка өлеш кертүчеләрне котлады

Мәдәният

Татар артистлары “Татар-информ” студиясендә Әнгам Атнабаев шигырьләрен укыды

5 февраль 2018, 18:07 , Фото: Султан Исхаков

Татар артистлары “Татар-информ” студиясендә Әнгам Атнабаев шигырьләрен укыды Театр һәм эстрада артистлары башкаруында шигырьләр социаль челтәрләрдә таратылачак.

(Казан, 5 февраль, «Татар-информ»). Бүген Габдулла Тукай исемендәге Татар дәүләт филармониясе тәкъдиме белән, "Татар-информ" мәгълүмат агентлыгы һәм "Тәртип" радиосы белән берлектә яңа видео/радио-проект старт алды – татар артистлары Башкортстанның халык шагыйре Әнгам Атнабай шигырьләрен укыйлар.

Беренчеләрдән булып “Татар-информ” студиясендә Татарстанның һәм Россиянең халык артисты Равил Шәрәфиев, Татарстанның халык артисты Рәшит Сабиров, Татарстанның атказанган артистлары Айгөл Бариева, Раяз Фасыйхов, Резеда Шәрәфиевалар язылды. Шушы көннәрдә студиягә Татарстанның халык артисты Хәлим Җәләй, Татарстанның халык артисты Асаф Вәлиев, Татарстанның атказанган артистлары Лилия Муллагалиева, Филүс Каһиров, Равил Галиев һәм башкалар килеп язылачак.

Артисты татарской эстрады читают стихи

Проект Әнгам Атнабаевның тууына 90 ел тулу уңаеннан оештырыла. “Без бу проектка Әнгам Атнабаев шигырьләрен киң җәмәгатьчелеккә таныту максаты белән алындык”, - ди филармониянең матбугат үзәге җитәкчесе Земфира Гыйльметдинова.

Театр һәм эстрада артистлары башкаруында шигырьләр социаль челтәрләрдә таратылачак.

Артисты татарской эстрады читают стихи

Искәртеп үтәбез, Габдулла Тукай исемендәге Татар дәүләт филармониясендә 26 февральдә Әнгам Атнабаевка багышланган әдәби-музыкаль кичә оештырыла.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр