ҺАВА ТОРЫШЫ +1 oC

Яңалыклар

барлык хәбәрләр Татарстан Россия
МӨҺим
Татарстанның экология тәрбиясе юнәлешендәге иң алдынгы мәктәбе билгеле булды
"Күгәрченнәр белән кызыклы һәм маҗаралы аралашу" хәйрия акциясе Спас районында дәвам итте
Эльмира Шәрифуллинага Татарстан Дәүләт Советы рәисенең Рәхмәт хаты тапшырылды
Әтнәнең балалар бию төркемнәре республика һәм ил күләмендә таныла
Рөстәм Миңнехановка гражданлык белеме буенча халыкара тикшеренү нәтиҗәләрен җиткерделәр

Җәмгыять

2018 елгы дөнья чемпионаты алдыннан Казан сайты 10 телдә эшли башлады

29 гыйнвар 2018, 19:02

2018 елгы дөнья чемпионаты алдыннан Казан сайты 10 телдә эшли башлады    Интернет-ресурс мундиаль вакытында транспорт, гомуми туклану урыннары, вокзаллар, кунакханәләр эшчәнлеге хакында тулы мәгълүматка ия.

(Казан, 29 гыйнвар, “Татар-информ”, Ольга Голыжбина). Бүген Челтәрдә Футбол буенча 2018 елгы дөнья чемпионатын оештыручы шәһәр буларак, Казанда сәламләү сайты эшли башлады. Интернет-ресурс 10 телдә эшли һәм мундиаль вакытында транспорт, гомуми туклану урыннары, вокзаллар, кунакханәләр эшчәнлеге хакында тулы мәгълүматка ия.

Сайт картасында дүрт төп бүлек бар. “Җанатар гиды” бүлегендә чемпионат кунаклары Казанда, “Казань-арена”да узачак матчлар, шулай ук җанатар паспортлары (FAN ID) бирү шартлары һәм үзәкләре турында мәгълүмат бирә.

“Рәхим итегез” бүлегендә җанатарлар Казан, Зөя утрау-шәһәрчеге, борынгы Болгар, Раифа һәм туристларны кызыксындырырдай башка истәлекле урыннар хакында белә ала.

Сайтта шулай ук Татарстан башкаласындагы иң яхшы кунакханәләр, милли ризыклы рестораннар һәм сувенир кибетләре турында да мәгълүмат җитәрлек.

Кунакларга сайтта шәхси туристик маршрутлар төзергә ярдәм итәләр. kzn2018.com туристларга топ-10 киңәш бирә. Сайт авторлары Татарстан башкаласына килүчеләргә Казан Кремлендә Сөембикә-ханбикә манарасына сөялеп, теләк теләргә, Бауман урамында танылган Казан мәчесенең корсагын сыйпарга, синхрон тәрҗемә белән татар телендәге тамашаны карарга киңәш итә.

Сайтның тагын бер бүлеге “Фан-фест” дип атала. Анда “Казан” гаилә үзәге янында узачак FIFA җанатары фестивале турында мәгълүмат тупланган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10