ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
Теләче мәктәпләрендә чыгарылыш тантаналары узды
М.Шәймиев: Татарстан парламенты РФ Конституциясенә каршы килә торган карар кабул итә алмый
Эльмира Кәлимуллина Дөнья чемпионатында үз репертуарыннан татарча җырлар башкарачак
Ф.Мөхәммәтшин Иҗтимагый палатага социаль юнәлешле оешмалар белән эшне көчәйтергә кушты
Зәйдә 178 унберенче сыйныф укучысы өчен соңгы кыңгырау яңгырады

Җәмгыять

Казанда метроның икенче линиясен февральдә төзи башлаячаклар

25 гыйнвар 2018, 11:42 , Фото: архив metshin.ru

Казанда метроның икенче линиясен февральдә төзи башлаячаклар "Имәнлек" ("Дубравная") станциясе 2018 елның 9 маенда ачылыр, дип көтелә.

(Казан, 25 гыйнвар, «Татар-информ», Оксана Романова). Казанда метроның икенче линиясен быелның февралендә төзи башлаячаклар. Төзелеш эшләре «Мега» сәүдә үзәге янында башланып китәчәк, дип хәбәр итте «Татар-информ» агентлыгына ТР Төзелеш, архитектура һәм ТКХ министрлыгының матбугат хезмәте җитәкчесе Гөлназ Миңнеханова.

ТР Баш инвестиция-төзелеш идарәсе директоры Марат Айзатуллин «РБК-Татарстан»га хәбәр иткәнчә, беренче этап дүрт станцияне сафка бастыруны үз эченә алачак, ә икенче линиянең гомуми озынлыгы 20 чакрымга якын тәшкил итәчәк. Соңгы станция Восстание разъездында булачак.

«Икенче линиянең беренче участогы «Имәнлек» метро станциясеннән (Зорге-Фучик урамнары чаты) башланып «Сахаров» метро станциясенә (Җиңү проспекты-Альберт Камалиев урамы чаты) кадәрге арада төзеләчәк. Татарстан Президенты проектны гамәлгә ашыруны хуплады, хәзер документлар әзерлибез», - диде Айзатуллин.

Эшләр башланганчы, юлларның бер өлешен ябарга туры килгәнлектән, Казанның транспорт схемасына үзгәрешләр кертеләчәк.

«Имәнлек» станциясе 2018 елның 9 маенда ачылыр дип көтелә.
Хәзерге вакытта Казанда метроның беренче линиясе эшли, аңа барлыгы 10 станция керә. Метро 2005 елның 30 августында пассажирларга хезмәт башлады.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10