ҺАВА ТОРЫШЫ +8 oC

Яңалыклар

барлык хәбәрләр Татарстан Россия
МӨҺим
КФУның “Мизгел” яшьләр театры актерларга кастинг игълан итә
25 майның төп вакыйгалары - фото һәм сылтамалар
Р.Миңнеханов 2018 елгы Петербург халыкара икътисадый форумының пленар утырышында катнашты
Т.Миңнуллина: Петербург халыкара икътисадый форумында "биш"кә эшләдек
Әлмәт колониясендәге янгынның гомуми мәйданы якынча 2 мең кв. метр тирәсе

Икътисад, Рәсми Татарстан

Миңнеханов Давоста халыкара компания җитәкчеләре белән очраша

22 гыйнвар 2018, 21:14 , Фото: Ильнар Тухбатов

Миңнеханов Давоста халыкара компания җитәкчеләре белән очраша Бүген Татарстан Президенты Швейцария шәһәре Давоска Бөтендөнья икътисади форумына килде.

(Казан, 22 гыйнвар, “Татар-информ”, Гүзәл Гайнанова). Татарстан Президенты Рөстәм Миңнеханов Давоста Бөтендөнья икътисади форумында алты секциядә булачак. Ул шулай ук берничә халыкара компания җитәкчесе белән очрашачак. Бу хакта Татарстан Президентының матбугат хезмәте хәбәр итә.

Бүген Рөстәм Миңнеханов Бөтендөнья икътисади форумының тантаналы ачылышында катнаша, диелгән хәбәрдә.

“Иртәгә ул форумда эш көнен уздырачак. “Цифрлы икътисад” секциясендә, “Технологияләргә ышаныргамы?” сессиясендә, Һиндстан Премьер-министры, шулай ук форумга нигез салучы һәм президенты профессор Клаус Шваб катнашындагы пленар сессиядә катнашачак.

Төшке аштан соң “Смартмобильлелек өчен дизайн”, “Глобаль фәнгә караш” һәм “Энергетика сәясәтенең яңа эрасы” сессияләрендә катнашуы планлаштырылган”, - дип хәбәр иттеләр Татарстан Президентының матбугат хезмәтендә.

Сессияләр арасында Ericsson, Indorama Corporation һәм башка шундый компания җитәкчеләре, шулай ук Согуд Гарәбстаны корольлегенең сәүдә һәм инвестицияләр министры белән ике яклы очрашулар ниятләнә.

“Рөстәм Миңнеханов чәршәмбе көнне “ВТБ Капитал” да эшлекле иртәнге ашта булачак һәм шуннан соң Давоста аның командировкасы төгәлләнә”, - дип хәбәр итте Миңнехановның матбугат хезмәте. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10