ҺАВА ТОРЫШЫ -11 oC

Яңалыклар

барлык хәбәрләр Татарстан Россия
МӨҺим
17 февральнең төп вакыйгалары - фото һәм сылтамалар
Рөстәм Миңнеханов чаңгычыларны эстафетада уңышлы чыгышлары белән котлады
Татарстан приставлары сатуга Казан уксус заводы бинасын һәм самолет куйды
Казанда китап кибетендә Әдәби марафон проекты җиңүчеләрен бүләкләделәр
Россия кызлары Казанда бадминтон буенча Европа чемпионатында “бронза” яулады

Мәдәният

SUPERTATAR музыкаль төркеме халыкара турын Казанда концерт белән башлап җибәрде

21 гыйнвар 2018, 18:40

SUPERTATAR музыкаль төркеме халыкара турын Казанда концерт белән башлап җибәрде Концерт "Казан" милли-мәдәни үзәгендә бара.

Казан, 21 гыйнвар, «Татар-информ», Рузилә Мөхәммәтова). SUPERTATAR Rythm & Etno Band төркеме концерты кинорежиссер Илшат Рәхимбайның музыкаль төркем турындагы документаль фильмы белән башланып китте.

Концерт "Казан" милли-мәдәни үзәгендә уза. Концертны Рузил Әхмәдиев алып бара.

"Без бүгенге концертка фольклорчы галим, музыкант Геннадий Макаровны да чакырдык. Ул халык музыкасы белән эшли, без заманча музыка белән эшлибез. Менә шуларны куша белсәң - алга таба барырга була. Бу концертта шул юнәлештәге экспериментлар булачак", - дип вәгъдә итте концерт алдыннан музыкаль төркем җитәкчесе Дәниз Бәдретдин.

Программада – Дәниз Бәдретдин, Муса Маликов үзләренең яңа җырларын башкара. Бу концертта скрипкачы Иркә Гайнелмөхәммәтова катнаша алмый. Аның булмавы концертны классик юнәлештән бераз джазга таба якынайтты, ди музыкантлар.

Бүген төркем үзенең яңа җырчысын тәкъдим итә. Ул тамашачыга "Болгар кызлары" төркеме аша таныш артистка Гүзәл Камалова.

SUPERTATAR музыкаль төркеменең концертлары дәвам итәчәк. 26 гыйнварда Мәскәүнең Асадуллаев йортында концерт планлаштырылган.

Мәгълүмат өчен: «SuperTatar» халыкара проекты Финляндия музыканты Дәниз Бәдретдин идеясе белән төзелгән. Аның беренче составында саксофончы Муса Маликов, басист Илнар Фатыйхов, барабанчы Тимур Сапаров һәм скрипкачы Иркә Гайнелмөхәммәтова иде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр