ҺАВА ТОРЫШЫ +12 oC

Яңалыклар

барлык хәбәрләр Татарстан Россия
МӨҺим
Казанда VI Республика ифтарының беренче көне узды
26 майның төп вакыйгалары - фото һәм сылтамалар
“Ак Барс” җәйге ялдан июль уртасында чыга
«Алабуга» МИЗда Stadler компаниясенең җитештерү мәйданчыгы булдырылырга мөмкин
Чиләбедә “Акыллы Баш” интеллектуаль уены узды

Фән һәм мәгариф

Казанда өченче тапкыр - Интернет аша республика ата-аналар җыелышы уздырылды

20 гыйнвар 2018, 16:20 , Фото: mon.tatarstan.ru

Казанда өченче тапкыр - Интернет аша республика ата-аналар җыелышы уздырылды Яңа проект 2017 елның ноябрендә башланган иде.

(Казан, 20 гыйнвар, «Татар-информ»). Кичә, 19 гыйнварда, балаларның мәгълүмати куркынычсызлыгы буенча Республика ата-аналар интернет-җыелышының өченче утырышы узды.ТР Мәгарифне үстерү институты ректорының фәнни һәм инновацион эшчәнлек буенча урынбасары Вера Герасимова ата-аналарга балалар белән Интернетның уңай һәм тискәре яклары турында фикер алышырга тәкъдим итте.

Ата-аналар утырышының темасы – “Баланың виртуаль тормышы: Интернет – дусмы яки дошманмы?”. Балаларны социаль челтәрләрдә төрле төркемнәр аша тискәре мавыгулардан сакларга кирәк, диде республика мәгариф һәм фән министры урынбасары Лариса Сулима.

“Кызганычка, Татарстанда фаҗигале очраклар булып торуын күрәбез. Бер бала үз теләге белән гомерен өзгән, икенчесе 8нче каттан сикергән, бәхеткә, исән калган, әмма хастаханәдә, - диде ул. – Кайчакта ата-ана мәхәббәтен социаль челтәрләр алыштыра. Билгеле булганча, күпчелек бала анда шактый вакытын уздыра. Алар өчен Интернет һәрвакытта да дус түгел, ә кайвакыт хәтта җитди куркыныч та тудыра”.

Ата-аналар интернет-җыелышлары үткәрү - Татарстан Мәгариф һәм фән министрлыгы белән республика министрлыгы каршындагы Иҗтимагый советның уртак инициативасы.
16 февральгә билгеләнгән киләсе утырыш “Баланың виртуаль тормышы: Интернет-уеннар турында белергә кирәкме?” дигән темага багышланачак.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10