ҺАВА ТОРЫШЫ +12 oC

Яңалыклар

барлык хәбәрләр Татарстан Россия
МӨҺим
Казанда VI Республика ифтарының беренче көне узды
26 майның төп вакыйгалары - фото һәм сылтамалар
“Ак Барс” җәйге ялдан июль уртасында чыга
«Алабуга» МИЗда Stadler компаниясенең җитештерү мәйданчыгы булдырылырга мөмкин
Чиләбедә “Акыллы Баш” интеллектуаль уены узды

Мәдәният

Татарстан Язучылар берлеге остаханәләре үз кандидатларын Тукай премиясенә тәкъдим итә

19 гыйнвар 2018, 17:43

Татарстан Язучылар берлеге остаханәләре үз кандидатларын Тукай премиясенә тәкъдим итә Татарстанда Габдулла Тукай исемендәге Дәүләт премиясенә кандидатлардан гаризалар кабул ителә башлады.

(Казан, 19 гыйнвар, “Татар-информ”, Рузилә Мөхәммәтова). Татарстан Язучылар берлегенең Балалар әдәбияты остаханәсе Габдулла Тукай исемендәге дәүләт премиясенә кандидат итеп шагыйрә Резеда Вәлиеваны; Проза остаханәсе Камил Кәримов һәм Рәфкать Кәрамине тәкъдим итә. Бу хакта бүген Татарстан Язучылар берлегенең матбугат үзәге хәбәр итә.

Татарстан Язучылар берлегенең Проза һәм Балалар әдәбияты остаханәләренең берләштерелгән утырышы бүген үткәрелгән. Остаханәләр утырышын Татарстан Язучылар берлеге рәисенең иҗат эшләре буенча урынбасары Рәмис Аймәт алып барган. Күрсәтелгән кандидатларның иҗатлары буенча Зиннур Мансуров, Ләбиб Лерон, Рөстәм Галиуллин, Йолдыз Шәрапова, Фарсель Зыятдинов, Хәбир Ибраһим, Хәнәфи Бәдигый, Фәрит Яхин, Марат Закир, Нәҗибә Сафина, Марат Әмирханов һәм башкалар чыгыш ясаганнар.

Остаханәләр тәкъдим иткән кандидатуралар Татарстан Язучылар берлегенең Идарә утырышында каралачак.

Искәртеп үтәбез, Татарстанда Габдулла Тукай исемендәге Дәүләт премиясенә кандидатлардан гаризалар кабул ителә башлады.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10