ҺАВА ТОРЫШЫ -12 oC

Яңалыклар

барлык хәбәрләр Татарстан Россия
МӨҺим
"Казан" агросәнәгать паркы 2017 елгы эшчәнлегенә Президент каршында хисап тотты
Күренекле режиссерлар Тумашевларны Балтач районы Нөнәгәр авылында зурлап искә алдылар
Кыргызстан халкы төрек телендәге китаплар һәм газеталар белән кызыксына
Арча-Әтнә хәрби комиссариаты иң оста шахматчыларны ачыклады
VII Бөтенроссия татар авыллары эшмәкәрләре җыенында 750 вәкил катнашачак

Җәмгыять

Казанда унбер тарихи кабергә мәдәни мирас объекты статусы биреләчәк

19 гыйнвар 2018, 10:44 , Фото: Салават Камалетдинов, Рамиль Гали

Казанда унбер тарихи кабергә мәдәни мирас объекты статусы биреләчәк «Казан каберлекләре» иҗтимагый хәрәкәте дәүләт тарафыннан саклауны таләп иткән күренекле эшлеклеләрнең каберләре исемлеген раслады.

(Казан, 19 гыйнвар, «Татар-информ», Оксана Романова). Кичә Бөтенроссия тарихи һәм мәдәни һәйкәлләрне саклау җәмгыятенең Татарстан территориаль бүлеге утырышында дәүләт тарафыннан саклауны таләп иткән Казанның күренекле эшлеклеләренең каберләре исемлеге расланды.

Заседание Татарстанского отделения Всероссийского общество охраны памятников

Бер сәгатькә якын дәвам иткән фикер алышулардан соң, ТР Мәдәният министрлыгына 11 шәхеснең каберен мәдәни мирас объекты исемлегенә кертү өчен рекомендация бирергә карар кылдылар. Алар - Николай Катанов (тюрколог, Казан император университеты профессоры), Евгений Боратынский (шагыйрь), Яков Шамов (сәүдәгәр, хәйрияче), Петр Дульский (Казан сәнгать белеменә нигез салучы), Александр Зайцев (мәшһүр рус химик-органигы, Бутлеровның укучысы), Гордий Саблуков (шәрыкны өйрәнүче, Казан рухи академиясе профессоры), Николай Виноградов (Казан терапевтика мәктәбенә нигез салучы), Шиһабетдин Мәрҗани (дин белгече, мәгърифәтче), Галимҗан Баруди (дин белгече, җәмәгать эшлеклесе, педагог), Әхмәтбай Хөсәенов (татар миллионеры, меценат) һәм Әхмәтҗан Сәйдәшев (эшкуар, җәмәгать эшлеклесе).

Заседание Татарстанского отделения Всероссийского общество охраны памятников

Бөтенроссия тарихи һәм мәдәни һәйкәлләрне саклау җәмгыятенең Татарстан территориаль бүлегенең бер бүлекчәсе активистлары, «Казан каберлекләре» хәрәкәтендә катнашучылар фикеренчә, мәдәни мирас объекты статусы бирү каберләрне юкка чыгудан саклап калырга ярдәм итәчәк. Документаль рәсмиләштерү процедурасын узганнан соң, алар мәдәни мирас объекты статусы бирелгән каберләрнең хәзерге исемлеген тулыландырачак.

Мәдәни мирас объекты статусы бирелгән каберләр исемлеген ел саен тулыландырып тору күздә тотыла.

Заседание Татарстанского отделения Всероссийского общество охраны памятников
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр