ҺАВА ТОРЫШЫ +12 oC

Яңалыклар

барлык хәбәрләр Татарстан Россия
МӨҺим
Казанда VI Республика ифтарының беренче көне узды
26 майның төп вакыйгалары - фото һәм сылтамалар
“Ак Барс” җәйге ялдан июль уртасында чыга
«Алабуга» МИЗда Stadler компаниясенең җитештерү мәйданчыгы булдырылырга мөмкин
Чиләбедә “Акыллы Баш” интеллектуаль уены узды

Спорт

Әгерҗе авыл җирлекләре башкарма комитетлары белгечләре йөзү һәм чаңгыда йөрү буенча сынала

19 гыйнвар 2018, 07:00 , Фото: agryz-rt.ru

Әгерҗе авыл җирлекләре башкарма комитетлары белгечләре йөзү һәм чаңгыда йөрү буенча сынала Әгерҗедә күп еллар дәвамында авыл җирлекләре арасында спартакиада уза.

(Әгерҗе, 19 гыйнвар, “Татар-информ“, "Әгерҗе хәбәрләре", Миләүшә Ягъфәрова). Әгерҗедә күп еллар дәвамында авыл җирлекләре арасында спартакиада уза. Ул үз эченә волейбол, җиңел атлетика, шашка-шахмат, бадминтон, аркан тарту, дартс һәм башка күптөрле ярышларны ала, дип яза район газетасы.

Быел спартакиада 23 февраль – Ватанны саклаучылар көнендә башланачак. Бәйрәм көнне аны район җитәкчеләре белән берлектә тантаналы төстә ачу планлаштырыла.

Бу көнне авыл башлыклары дартс буенча осталыкларын күрсәтәләр. Волейбол уеннарына жирәбә дә сикертеләчәк. Соңгысы буенча ярышлар төрле авылларда уздырылачак, бер генә спорт залы да читтә калмаячак, диләр оештыручылар. Командалар көнгә бер генә уен күрсәтәләр һәм 25 очкога кадәр уйныйлар. Ир-егетләр бәйрәмендә кул көрәше, аркан тарту ярышларында физик яктан иң көчлеләрне һәм бердәм командаларны да ачыклыйлар. Гомумән, быел узачак спартакиадага ун ярыш төре кертелде. Яңа төрләр дә бар. Болар – авыл җирлекләре арасында чаңгы һәм йөзү буенча эстафеталар. Бу ярышларда авыл җирлекләре башкарма комитетлары белгечләре катнашу мәҗбүри булачак.

Спартакиада кысаларында авыл башлыклары өчен бадминтон уздыру да күздә тотыла. Спорт сөючеләр үзләрен шашка, шахматта да күрсәтә алалар. “Әти, әни һәм мин – спорт гаиләсе“ ярышларында да гаиләләр актив катнашырлар дип көтелә. Спартакиадада авыллардан гына түгел, шәһәрдән дә бер команда сыналачак.

 

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10