ҺАВА ТОРЫШЫ -17 oC

Яңалыклар

барлык хәбәрләр Татарстан Россия
МӨҺим
Лениногорскида укучы баланы бәрдергәннәр
"Казан" агросәнәгать паркы 2017 елгы эшчәнлегенә Президент каршында хисап тотты
Күренекле режиссерлар Тумашевларны Балтач районы Нөнәгәр авылында зурлап искә алдылар
Кыргызстан халкы төрек телендәге китаплар һәм газеталар белән кызыксына
Арча-Әтнә хәрби комиссариаты иң оста шахматчыларны ачыклады

Икътисад

"КАМАЗ" акционерлык җәмгыяте "Россия сыйфаты" программасы дипломанты булды

18 гыйнвар 2018, 07:00

"КАМАЗ" акционерлык җәмгыяте продукциясе чит ил автомобильләр базарында да көндәшлеккә сәләтле дип табылды.

(Чаллы, 18 гыйнвар, "Татар-информ", "Шәһри Чаллы"). "КАМАЗ" акционерлык җәмгыяте "Россия сыйфаты" программасы дипломанты булды һәм үз продукциясе өчен гомумфедераль билге куллануга хокук алды. Әлеге программа продукциянең көндәшлеккә сәләтен арттыру, шулай ук Россия кулланучылар базарын югары сыйфатлы продукция белән тәэмин итү максатларын күздә тота, дип яза җирле басма.

"КАМАЗ" акционерлык җәмгыяте продукциясе программа кысаларында төрле яктан экспрет тикшерүе узды һәм ил эчендә дә, чит ил автомобильләр базарында да көндәшлеккә сәләтле дип табылды.

"Россия сыйфаты" билгесен турыдан-туры продукциянең үзенә дә, кулланучы күрә алырлык җирләргә дә куярга мөмкин. Билге техник паспортларда, күрсәтмәләрдә, реклама буклетлар, роликлар, матбугат чараларында, күргәзмә вакытында экспонатларны тәкъдим иткәндә кулланылачак.

"Россия сыйфаты" логотибын куллану хокукы кулланучы ышанычын яулауда иң үтемле аргумент булачак дип исәпләнә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр