ҺАВА ТОРЫШЫ +5 oC

Яңалыклар

барлык хәбәрләр Татарстан Россия
МӨҺим
21 апрельнең төп вакыйгалары - фото һәм сылтамалар
Радик Юльякшинга Татарстан Мәдәният министрлыгының Мактау кәгазе тапшырылды
Быел Казанда “Үлемсез полк” акциясендә 120 мең кеше катнашыр дип көтелә
Сызраньда беренче тапкыр “Татар яшьләре лидеры" мәктәбе булды
Киров өлкәсендә юл һәлакәтендә биш кеше, шул исәптән бала үлгән

Рәсми Татарстан, Мәдәният

Рөстәм Миңнехановка татар телендә балалар өчен телеканал проектын тәкъдим иттеләр

17 гыйнвар 2018, 18:02 , Фото: tatarstan.ru

Рөстәм Миңнехановка татар телендә балалар өчен телеканал проектын тәкъдим иттеләр Татар телендәге “Шаян” балалар каналы 3 яшьтән алып өлкәнрәк балалар аудиториясе өчен каралган.

(Казан, 17 гыйнвар, «Татар-информ»). Татарстан Республикасы Президенты Рөстәм Миңнехановка бүген татар телендә балалар каналы проектын тәкъдим иттеләр. Презентация Татарстан Хөкүмәте йортында узды. Бу хакта Татарстан Президенты матбугат хезмәте хәбәр итә.

Проектны “Яңа гасыр” («ТНВ») телерадиокомпаниясе” ААҖ генераль директоры Илшат Әминов тәкъдим итте.

Презентация детского образовательного канала на татарском языке. Принимает участие Президент Республики Татарстан Р.Н.Минниханов. Фото: Михаил Фролов

Татар телендәге “Шаян” балалар каналы 3 яшьтән алып өлкәнрәк балалар аудиториясе өчен каралган. Канал кысаларында татарчага тәрҗемә ителгән популяр анимацион фильмнар трансляцияләнәчәк.

Презентациядә яңа канал өчен әзерләгән тапшырулардан өзекләр, анда алып баручылар ролендә балалар, мөльтфильмнарлан өзекләр һ.б. тәкъдим ителде.

Чарада катнашучылар телеканал контенты, трансляция вариантлары, шул исәптән  кабельле ТВ аша трансляцияләү мөмкинлеген карады. Проект буенча канал тәүлек буена эшләргә мөмкин. Программалар субтитрлар белән дә булырга мөмкин.

Презентация детского образовательного канала на татарском языке. Принимает участие Президент Республики Татарстан Р.Н.Минниханов. Фото: Михаил Фролов

Татарстан Республикасы Президенты Рөстәм Миңнеханов балалар өчен татар телендә мондый каналга ихтыяҗ бар, дип билгеләп үтте. Каналның беренче елда тәүлек буе эшләве мәҗбүри түгел, дип фикере белән уртаклашты ул.

Презентациядә ТР Президенты Аппараты җитәкчесе Әсгать Сәфәров, ТР Премьер-министры урынбасары - ТР мәгълүматлаштыру һәм элемтә министры Роман Шәйхетдинов, ТР мәгариф һәм фән министры Рафис Борһанов, ТР мәдәният министры Айрат Сибагатуллин, “Яңа гасыр” («ТНВ») телерадиокомпаниясе” ААҖ генераль директоры Илшат Әминов, «Татмедиа» Республика Матбугат һәм массакүләм коммуникацияләр агентлыгы җитәкчесе Айрат Зарипов, Югары журналистика һәм медиакоммуникацияләр мәктәбе директоры Леонид Толчинский һәм башкалар катнашты.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10