ҺАВА ТОРЫШЫ +8 oC

Яңалыклар

барлык хәбәрләр Татарстан Россия
МӨҺим
КФУның “Мизгел” яшьләр театры актерларга кастинг игълан итә
25 майның төп вакыйгалары - фото һәм сылтамалар
Р.Миңнеханов 2018 елгы Петербург халыкара икътисадый форумының пленар утырышында катнашты
Т.Миңнуллина: Петербург халыкара икътисадый форумында "биш"кә эшләдек
Әлмәт колониясендәге янгынның гомуми мәйданы якынча 2 мең кв. метр тирәсе

Татар дөньясы

Аяз Гыйләҗевның Төркиядә өч әсәре нәшер ителәчәк

17 гыйнвар 2018, 14:15 , Фото: Салават Камалетдинов

Аяз Гыйләҗевның Төркиядә өч әсәре нәшер ителәчәк Төрек укучылары Гыйләҗевның әсәрләрен көтеп ала.

(Казан, 17 гыйнвар, “Татар-информ”, Мөршидә Кыямова). Быел Аяз Гыйләҗевның өч әсәре төрек телендә дөнья күрәчәк.Бу хакта “Татар-информ” мәгълүмат агентлыгы хәбәрчесенә язучы,тәрҗемәче Фатих Кутлу хәбәр итте.

“Аяз абый Гыйләҗевның 80 еллыгына “Өч аршин җир”не тәрҗемә иткән идем, – ди Фатих Кутлу. – Хәтерләсәгез, Төркиядә нәшер ителде. 85 еллыгына “Җомга көн кич белән...” әсәрен эшләдем. Ә менә 90 еллыгына “Яра” повесте һәм “Язгы кәрваннар”ның тәрҗемәләре әзер. Шушы көннәрдә генә “Мәхәббәт һәм нәфрәт турында хикәят” әсәрләрен төгәлләп киләм. Бу өч әсәр быел Төркиядә дөнья күрер дип ышанам. Олуг юбилей уңаеннан Аяз Гыйләҗевның “Өч аршин җир” әсәре кабаттан төрек телендә нәшер ителәчәк. Хәтерем ялгышмаса, язучының әлеге әсәре төрек телендә алтынчы мәртәбә нәшер ителә инде. Төрек укучылары Гыйләҗевның әсәрләрен көтеп ала. Төрек әдәбиятында үз урынын алсын өчен язучының берничә әсәрен генә җитми. Фәнни яктан өйрәнер өчен шактый иҗатын танытырга кирәк. Бу юнәлештә рәхәтләнеп эшемне дәвам итәм. Аяз абыйның әсәрләрен тәрҗемә иткән саен, аның бөеклегенә инана барам. Ул зур шәхес, талантлы язучы. Әсәрләрендә образларның үстерелүе, вакыйгалар бәйләнеше нык уйланып, төгәл эшләнгән. Ул аларны кат-кат эшкәртеп кенә укучыларына тәкъдим иткән. Аяз абый әсәрләрендә хисләр мәңгелек. Шуңа да бу хисләр дөнья халыкларына да якын. Алга таба 100 еллыгын тагы да зуррак итеп уздырырга насыйп булсын”.

Возложение цветов к памятнику Аяза Гилязова

Исегезгә төшереп узабыз, бүген Татарстанның халык язучысы Аяз Гыйләҗевның тууына 90 ел тулды.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10