ҺАВА ТОРЫШЫ +8 oC

Яңалыклар

барлык хәбәрләр Татарстан Россия
МӨҺим
КФУның “Мизгел” яшьләр театры актерларга кастинг игълан итә
25 майның төп вакыйгалары - фото һәм сылтамалар
Р.Миңнеханов 2018 елгы Петербург халыкара икътисадый форумының пленар утырышында катнашты
Т.Миңнуллина: Петербург халыкара икътисадый форумында "биш"кә эшләдек
Әлмәт колониясендәге янгынның гомуми мәйданы якынча 2 мең кв. метр тирәсе

Җәмгыять

Социаль ипотека программасы буенча түли алмаучыларны иҗтимагый комиссия тикшерә

16 гыйнвар 2018, 19:13 , Фото: Михаил Захаров

Социаль ипотека программасы буенча түли алмаучыларны иҗтимагый комиссия тикшерә Тәлгать Абдуллин әйтүенчә, сәбәбенә карап, түләтү кичектерелергә мөмкин.

(Казан, 16 гыйнвар, “Татар-информ”, Гөлнар Гарифуллина). Социаль ипотека программасы буенча фатир алып, айлык акчаны түли алмаучыларның хәленә керәләр. Бу хакта бүген Татарстан Республикасы Президенты карамагындагы Дәүләт торак фондында узган матбугат очрашуында фондның башкаручы директоры Тәлгать Абдуллин сөйләде.

“Төрле сәбәпләр аркасында түли алмаган кешеләр белән безнең иҗтимагый комиссия шөгыльләнә. Ул очракта түләүне кичектерү мөмкинлеген карыйбыз, балигъ булмаган балалары булса, балигь булганчы озайтылырга мөмкин. Кыскасы, аңлау, булышлык бар. Әмма иң мөһиме шул: бушка гына тораклы булу кебек мәкерле ният булырга тиеш түгел. Кеше үзенең матди хәлен яхшыртырга тырышса, анысы икенче мәсьәлә”, – диде Тәлгать Абдуллин.

Фонд директоры социаль ипотека яки авария хәлендәге торактан күчерү программалары буенча торак ала алмаучыларга, аз керемлеләргә социаль наймнан файдаланырга киңәш итте. Социаль найм нигезендә, 25 ел коммуналь түләүләрсез фатир өчен түләп яшәп булганын искәртте. Ул аварияле торактан күченүчеләр өчен 2017 елда 5,5 мең фатир бүленеп биргәнен билгеләп узды.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10