ҺАВА ТОРЫШЫ +12 oC

Яңалыклар

барлык хәбәрләр Татарстан Россия
МӨҺим
Казанда VI Республика ифтарының беренче көне узды
26 майның төп вакыйгалары - фото һәм сылтамалар
“Ак Барс” җәйге ялдан июль уртасында чыга
«Алабуга» МИЗда Stadler компаниясенең җитештерү мәйданчыгы булдырылырга мөмкин
Чиләбедә “Акыллы Баш” интеллектуаль уены узды

Җәмгыять

Быел Татарстанда арендага бирелә торган торак күләмнәре арта

16 гыйнвар 2018, 16:40 , Фото: Михаил Захаров

Быел Татарстанда арендага бирелә торган торак күләмнәре арта 165 торак йортны аренда нигезендә кулланышка кертү планлаштырыла.

(Казан, 16 гыйнвар, “Татар-информ”, Гөлнар Гарифуллина). Быел Татарстан Республикасы Президенты карамагындагы Дәүләт торак фонды тарафыннан “Арендалы торак” программасы буенча 766 фатирга исәпләнгән 165 торак йортны кулланышка кертү планлаштырыла. Бу хакта бүген фондның 2017 елгы эшчәнлеге нәтиҗәләренә багышланган матбугат конференциясендә билгеле булды.

Актаныш районында - 8, Алексеевск районында - 1, Әлки районында - 10, Апас районында - 3, Баулыда - 2, Югары Ослан районында - 13, Алабугада - 20, Мамадыш районында - 13, Минзәләдә - 25, Яңа Чишмәдә - 5, Түбән Камада - 1, Саба районында - 39, Чирмешән районында 25 торак йортны аренда максатларында куллану күздә тотыла. Чагыштыру өчен:  2017 елда фонд тарафыннан 352 фатирны үз эченә алган 16 торак йорт файдалануга тапшырылган.

Башкаручы директор Тәлгать Абдуллин сүзләренә караганда, Казанда исә әлегә арендага торак юк. “Арендалы торак институты ул – Казан кешесенә торак бирү ысулы түгел. Без бит белгечләр җәлеп итү максатын күздә тотабыз, алар торак проблемаларына дучар булырга тиеш түгел. Аренда белгечләргә вакыт ягыннан җайлашу һәм ияләшү мөмкинлеген бирә. Аренда институты - ул “акыллы башларны” җәлеп итү мөмкинлеге. Сәнәгать мәйданчыклары төзелә торган урыннарда кирәк ул”, - дип белдерде.

Яшәү өчен бәя фондның попечительләр советы карары нигезендә билгеләнә, аның буенча яшәү өчен түләү күләме базар шартларындагы аренда бәясенең 70 процентыннан артык була алмый. Хәзерге вакытта 1 кв. м өчен фонд билгеләгән аренда ставкалары түбәндәгечә: Казанда ул – 220 сум, Түбән Кама, Яр Чаллы, Әлмәттә – 140 сум, Татарстан районнарында 50 сумнан алып 70 сумга кадәр.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10