ҺАВА ТОРЫШЫ +12 oC

Яңалыклар

барлык хәбәрләр Татарстан Россия
МӨҺим
Казанда VI Республика ифтарының беренче көне узды
26 майның төп вакыйгалары - фото һәм сылтамалар
“Ак Барс” җәйге ялдан июль уртасында чыга
«Алабуга» МИЗда Stadler компаниясенең җитештерү мәйданчыгы булдырылырга мөмкин
Чиләбедә “Акыллы Баш” интеллектуаль уены узды

Фән һәм мәгариф

Министрлыкның мәгариф идарәсе җитәкчесе итеп 12нче гимназия директоры билгеләнергә мөмкин

16 гыйнвар 2018, 16:30 , Фото: Ильнар Тухбатов

Министрлыкның мәгариф идарәсе җитәкчесе итеп 12нче гимназия директоры билгеләнергә мөмкин Лилия Әхмәтҗанова "Татар-информ" хәбәрчесенә үзенә шундый тәкъдим булганлыкны раслады.

(Казан, 16 гыйнвар, "Татар-информ", Рәмис Латыйпов). Татарстан мәгариф һәм фән министрлыгының милли мәгариф идарәсе җитәкчесе итеп Фатиха Аитова исемендәге 12нче кызлар гимназиясе директоры Лилия Әхмәтҗанова билгеләнергә мөмкин. Бу мәгълүмат "Татар-информ" хәбәрчесенә үз чыганаклары аша билгеле булды.

Лилия Әхмәтҗанова "Татар-информ" хәбәрчесенә үзенә шундый тәкъдим булганлыкны раслады. Әмма ул рәсми билгеләнүнең кайчан булачагын әйтергә иртә икәнлеген белдерде.

"Татар-информ" хәбәрчесенә 12нче гимназиядә Лилия Әхмәтҗанованың коллективы белән саубуллашканлыгын расладылар. Хәзерге вакытта гимназиядә директор вазифаларын тәрбия эшләре буенча урынбасар Зөлфирә Рәхмәтуллина башкара.

Лилия Әхмәтҗанованың педагогик стажы 23 ел. Белеме буенча - тарих, җәмгыять белеме укытучысы. 1994 елда Алабуга дәүләт педагогика институтын тәмамлаган. Түбән Каманың 2нче татар гимназиясендә тарих укытучысы, директор урынбасары булып эшләгән. 2011 елда Түбән Кама районы башкарма комитетының иҗтимагый оешмалар белән бәйләнеш бүлеге җитәкчесе итеп билгеләнә. Соңрак ТР Мәгариф һәм фән министрлыгының милли мәгариф идарәсе җитәкчесе булып эшли. Бер ел элек 12нче гимназиягә директор итеп билгеләнгән иде.

"Татар-информ"га билгеле булганча, Лилия Әхмәтҗанованы идарә җитәкчесе итеп билгеләү иртәгә булырга мөмкин.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10