ҺАВА ТОРЫШЫ -21 oC

Яңалыклар

барлык хәбәрләр Татарстан Россия
МӨҺим
IV Төрки яшьләр фестивале делегатлары актерлык серләренә төшенде
Туган тел көне Әтнәнең Бәрәскә авылында - театр бәйрәменә, авыл бәйрәменә әйләнде
Татарстан “Ата-аналарның бердәм БДИ тапшыру көне” Бөтенроссия акциясенә кушылды
Тел, әдәбият һәм сәнгать институты тарафыннан 2017 елда 69 китап әзерләп чыгарылган
22 февральнең төп вакыйгалары - фото һәм сылтамалар

Җәмгыять

Татарстанда стаж һәм хезмәт хакы турында электрон белешмәләр түләүсез биреләчәк

16 гыйнвар 2018, 16:21

Татарстанда стаж һәм хезмәт хакы турында электрон белешмәләр түләүсез биреләчәк  Узган ел дәүләт һәм муниципаль архивлар гражданнар һәм оешмаларның 119 мең гаризасын кабул итте, ди министр Тимур Зарипов.

(Казан, 16 гыйнвар, “Татар-информ”, Наталья Рыбакова). Татарстанда 15 гыйнвардан эш стажын раслау һәм хезмәт хакы турындагы белешмәләрне дәүләт архивыннан электрон рәвештә алырга мөмкин. Татарстан мәгълүматлаштыру һәм элемтә министры Тимур Зарипов Татарстан Министрлар Кабинетында узган брифингта бүген шул хакта хәбәр итте.

“15 гыйнвардан дәүләт архивыннан эш стажын раслау һәм хезмәт хакы турындагы белешмәләрне Татарстан дәүләт хезмәтләре порталыннан электрон рәвештә алырга мөмкин. Без аларны сайладык, алар аеруча популяр. Статистика буенча, узган ел республика дәүләт архивыннан бирелгән белешмәләрнең 90 процентлабы әлеге өлкәгә кагыла”, - дип билгеләп үтте эксперт.

Белешмәләр 21 эш көне дәвамында бирелә. Кирәк булган очракта, бу вакыт 30 көнгә кадәр озайтылырга да мөмкин. Белешмәләрне электрон һәм кәгазьдәге формасында күпфункцияле үзәктә , архив идарәсендә яисә Россия почтасы аша алырга була. Киләчәктә дәүләт архивы дәүләт хезмәтләре порталында башка төр белешмәләрне дә бирәчәк. Дәүләт архивыннан кәгазь формасындагы белешмәләр дә түләүсез бирелә.

Архив белешмәләре пенсиягә чыкканда яисә хезмәт кенәгәсен кабаттан булдырганда кирәк була. Узган ел дәүләт һәм муниципаль архивлар гражданнар һәм оешмаларның 119 мең гаризасын кабул иткән.

Дәүләт хезмәтләрен электрон төрдә гамәлгә кертү – Россия Президенты Владимир Путинның Татарстанда тормышка ашырыла торган стратегик башлангычы ул.

Дәүләт хезмәтләрен электрон төргә күчерү гражданнарның тормыш сыйфатын яхшырта һәм халык белән дәүләт органнарының үзара хезмәттәшлегендә төрле дәрәҗәдәге бурычларны оператив төстә чишү мөмкинлеген бирә. 2017 елда Владимир Путин икътисадның һәм дәүләт идарәсенең барлык тармакларын цифрлаштыру буенча генераль бурычларны билгеләде. Президент күрсәтмәсе буенча, нәкъ менә цифрлашкан икътисад дәүләт идарәсендә, икътисадта, бизнес, социаль өлкәдә һәм җәмгыятьтә системаны үстерүнең яңа нигезе булырга тиеш.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр