ҺАВА ТОРЫШЫ +12 oC

Яңалыклар

барлык хәбәрләр Татарстан Россия
МӨҺим
Казанда VI Республика ифтарының беренче көне узды
26 майның төп вакыйгалары - фото һәм сылтамалар
“Ак Барс” җәйге ялдан июль уртасында чыга
«Алабуга» МИЗда Stadler компаниясенең җитештерү мәйданчыгы булдырылырга мөмкин
Чиләбедә “Акыллы Баш” интеллектуаль уены узды

Спорт

Әлки районында чаңгы ярышында Иске Матак җирлеге спортчыларына тиңнәр булмады

16 гыйнвар 2018, 06:00

Әлки районында чаңгы ярышында Иске Матак җирлеге спортчыларына тиңнәр булмады Ярышлар тәмамлангач җиңүчеләрне бүләкләү тантанасы булды. Иң җитез чаңгычыларга Дипломнар һәм истәлекле бүләкләр тапшырылды.

(Әлки, 16 гыйнвар, "Татар-информ", "Әлки хәбәрләре"). Әлки районында узган чаңгы ярышында Иске Матак җирлеге спортларына тиңнәр булмады. 14 гыйнварда “Яшь имәннәр” балалар савыктыру лагере янында чаңгы ярышлары узды, дип яза җирле басма.

Бирегә район авылларыннан йөздән артык кеше җыелган иде. Аларның күпчелеге чаңгыга басып узышта катнаштылар, табигать кочагында рәхәтләнеп шуып йөрделәр.

Якшәмбе салкынча һәм аяз чын кышкы көн иде. Кар бөртекләре кояшта җемелдәп күзне чагылдыра. Һәркемнең күңеле күтәренке, дәртле музыка яңгырап тора. Чаңгы шуарга гаиләләре, балалары белән килүчеләр шактый. Кирәксенүчеләр шунда ук прокатка чаңгы өләшәләр. Кайнар чәй, камыр ризыклары тәкъдим итеп буфет эшләп тора.

 –Без бүген чаңгы ярышларын биредә – “Яшь имәннәр” лагере янында үткәрергә булдык. Яңа ачылган чаңгы базасы тирәсендә әлегә кар катламы азрак. Тора-бара күмәкләп чаңгы шуу һәм узышларны анда уздыра башларбыз. Ә хәзергә сезгә шома чаңгы юллары, рәхәт ял телим! – диде район башлыгы Александр Никошин, узышка старт бирер алдыннан.

Баш хөкемдар Николай Ирдинкин ярышның тәртибен аңлатты. Чаңгы юлыннан иң башта ир-атлар алга ыргылды. Алар өч километр арага узыштылар. Аннан хатын-кызлар ике километр дистанциядә ярышты.

Ярышлар тәмамлангач җиңүчеләрне бүләкләү тантанасы булды. Иң җитез чаңгычыларга Дипломнар һәм истәлекле бүләкләр тапшырылды.

Авыл җирлекләре арасында искематаклыларга тиңнәр булмады. Иске Матакның шул яше-карты гомер-гомергә чаңгы спортында алдырды. Бу юлы да алар осталыкларын күрсәтте. Иске Камка, Чиябаш, Иске Алпар чаңгычылары да призлы урыннарны яулады.

Оешма-предприятиеләре арасында Базарлы Матак урта мәктәбе, Нәби Дәүли исемендәге гимназия һәм район үзәк хастаханәсе коллективлары зур активлык күрсәттеләр.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10