ҺАВА ТОРЫШЫ -7 oC

Яңалыклар

барлык хәбәрләр Татарстан Россия
МӨҺим
Казан мәгариф идарәсе җитәкчесе итеп 12нче гимназия директоры билгеләнергә мөмкин
Татарстанда стаж һәм хезмәт хакы турында электрон белешмәләр түләүсез биреләчәк
Шиһабетдин Мәрҗани турында фильм төшерелә башлады
Татарстанда яшәүчеләр хезмәт хакы турындагы архив белешмәсен электрон рәвештә алачак
Татарстанның элеккеге чәчтарашлары һәм аш пешерүчеләре эш стажын раслый алмый

Авыл, Татар дөньясы

Әтнә районының Күшәр китапханәсендә китап "табиблары" клубы оештырылды

12 гыйнвар 2018, 12:19

Әтнә районының Күшәр китапханәсендә китап Балалар тузган китапларны тәртипкә китерә, китап укый, укыган әсәрләр турында фикер алыша.

(Казан, 11 гыйнвар. “Татар-информ”. Сүрия Мингатина, "Әтнә таңы"). Әтнә районының Күшәр авылы китапханәчесе Гөлүсә Галимҗанова уку елы башыннан "Китап шифаханәсе" дип исемләнгән кызыксынучылар клубы оештыра. Әлеге клубка башлангыч сыйныф укучылары язылып, әле дә бик теләп йөриләр”, - дип хәбәр итә “Әтнә таңы” газетасы.

Башлангыч сыйныф укучылары  айга ике тапкыр клуб утырышына җыелалар.

"Искергән, тузган китаплар бар, без әнә шул китапларны дәвалыйбыз, матур, җыйнак итеп төпләргә өйрәнәбез. Эшебезне төгәлләгәч, беррәттән рәсем бәйгеләре оештырып, рәсемнәр ясыйбыз, кычкырып китап укыйбыз, укыган әсәрләр буенча әңгәмәләр оештырабыз, тәэсирле итеп сөйләргә өйрәнәбез. Алда безне шигырь бәйгеләре, түгәрәк өстәлләр көтә. Барына да өйрәтә безне Гөлүсә апа”, - дип сөйләгәннәр килгән укучылар.

Күшәр авылы балалары каникулларын да истә калырлык итеп уздырдылар. Китапханәдән тыш,  мәдәният йорты хезмәткәрләре Лилия һәм Фәридә апалары балалар өчен Чыршы бәйрәме дә үткәрде. Төрле уеннар уйнап, нәфис суз осталары чыгышларын тыңлап, жырлар җырлап, биеп, рәхәтләнеп ял иттеләр, дип хәбәр итә район газетасы. 

Хәзер мәдәният йортында Иске Яңа елны каршы алырга да әзерләнәләр алар.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр