ҺАВА ТОРЫШЫ +14 oC

Яңалыклар

барлык хәбәрләр Татарстан Россия
МӨҺим
“Галатасарай” 21нче тапкыр футбол буенча Төркия чемпионы булды
Түбән Кама районында юл кырыена төшеп киткән “сигезле” машинасы йөртүчесе һәлак булган
Татарстанда 2018 елга республика халык мәдәнияте бәйрәмнәре графигы расланды
Гаиләдә туган тел сакланса, халык үз Ватанында яшәмәсә дә исән кала ала – М.Хухунашвили
Тикшерү комитеты Татарстанда парашютчылар һәлак булган урыннан фотолар бастырган

Татар дөньясы

Васил Шәйхразиев Ульяновск татарлары милли автономиясе оешуга 20 еллык тантанада катнаша

19 декабрь 2017, 11:33 , Фото: Рамиль Гали

Васил Шәйхразиев Ульяновск татарлары милли автономиясе оешуга 20 еллык тантанада катнаша Ульяновскида бүген өлкә татар милли-мәдәни автономиясенең юбилей чаралары уза.

(Казан, 19 декабрь, “Татар-информ”). Бүген, 19 декабрьдә, Татарстан хөкүмәте вице-премьеры, Милли Шура рәисе, Васил Шәйхразиев Ульяновск каласына сәфәр кыла. Бу хакта Бөтендөнья татар конгрессы матбугат хезмәте җиткерә.

Исегезгә төшерәбез, Ульяновскида бүген өлкә татар милли-мәдәни автономиясе оешканга 20 ел тулу уңаеннан «Бергә булыйк, бердәм булыйк!» дип исемләнгән тантаналы кичә уза. Васил Шәйхразиевның күрше төбәккә килүенең максаты әлеге чарага катнашу.

Кичәгә кадәр ул шактый тыгыз программа кысаларында эшләячәк: Милли Шура рәисе шагыйрь Кол Галигә куелган һәйкәлгә чәчәкләр сала, соңыннан Ульян өлкәсенең Татар мәдәнияте үзәгенә, «Татарстан — Яңа гасыр» телерадиокомпаниясенең җирле филиалына, «Өмет» газетасы редакциясенә, Ульяновскида өлкә татар милли-мәдәни автономиясе офисына, Ульян өлкәсе мөселманнарының диния нәзарәтенә бару каралган.

Көндезге икедә Васил Шәйхразиев Ульяновскта өлкә татар милли-мәдәни автономиясе оешканга 20 ел тулу уңаеннан «Бергә булыйк, бердәм булыйк!» дип исемләнгән тантаналы кичәгә катнашу өчен Ленин мемориалына киләчәк. Биредә ул шушы чарага махсус әзерләнгән күргәзмәне дә караячак.

Ульяновскида өлкә татар милли-мәдәни автономиясе оешканга 20 ел тулу уңаеннан «Бергә булыйк, бердәм булыйк!» дип исемләнгән тантаналы кичәдә Сембер якларындагы татарларның тарихын яктырткан театральләштергән тамаша, автономия эшчәнлеге турында фильм, Татарстан һәм Ульяновск артистлары концерты, котлаулар һәм бүләкләүләр дә булачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10