ҺАВА ТОРЫШЫ -9 oC

Яңалыклар

барлык хәбәрләр Татарстан Россия
МӨҺим
16 гыйнварның төп вакыйгалары – фото һәм сылтамалар
"Зенит" волейболчылары лидерлык өчен көрәштә Польшаның "Ястшембски" командасын отты
Социаль ипотека программасы буенча түли алмаучыларны иҗтимагый комиссия тикшерә
Яшәү урыны булмаган белгечләргә авылларда ипотека буенча йортлар төзеләчәк
Разил Вәлиев: Мәрҗанине бишектән үк өйрәтә башларга кирәк

Татар дөньясы

Гөлнара Сабирова «Сөембикә» журналының баш мөхәррире итеп билгеләнде

18 декабрь 2017, 09:13 , Фото: Салават Камалетдинов

Гөлнара Сабирова «Сөембикә» журналының баш мөхәррире итеп билгеләнде Ул 2014 елдан “Шәһри Казан” газетасының баш мөхәррире булып эшли.

(Казан, 18 декабрь, “Татар-информ”). “Сөембикә” журналына баш редактор итеп Гөлнара Сабирова билгеләнәчәк. Бу хакта “Татар-информ”га үз чыганаклары аша билгеле булды.

Яңа баш редактор ике басманың да баш редакторы вазифаларын башкарачак.

Гөлнара Сабирова Татарстанның Аксубай районыннан. Казан дәүләт университетының журналистика факультетын тәмамлаган. Ул “Татарстан яшьләре”, “Ватаным Татарстан”, “Күңелле атна”, “Кәеф ничек” һәм башка басмаларда, Сәламәтлек саклау министрлыгында - матбугат секретаре, “Барс Меда” ширкәтендә - департамент директоры, “Татмедиа” акционерлык җәмгыятендә  - милли матбугат департаменты җитәкчесе, 2013 елгы Универсиаданың рәсми сайтын алып бару бүлеге җитәкчесе булып эшләгән.

2014 елдан “Шәһри Казан” газетасының баш редакторы.

2015 елда - Министрлар Кабинетының, 2015 елда - Дәүләт Советы рәисенең, 2017 елда “ТАТМЕДА” акционерлык җәмгыятенең Мактау хатлары белән бүләкләнгән.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр