ҺАВА ТОРЫШЫ -1 oC

Яңалыклар

барлык хәбәрләр Татарстан Россия
МӨҺим
Татар теле олимпиадасына Гарәп Әмирлекләреннән килгән Ибраһим А.Гыйләҗевтан өзек сөйләячәк
22 апрельнең төп вакыйгалары - фото һәм сылтамалар
Татар теле олимпиадасында катнашучы төрек кызы телне гаиләдә сакларга кирәк дип саный
Татар теленнән олимпиаданың узган елгы җиңүчесе быел ярышка япон егетен килергә үгетләгән
Татар теленнән халыкара олимпиадада катнашучылар өчен 20 төрле бирем җыелмасы әзерләнгән

Мәдәният

«Татар-информ» «Җилләр көе» проектын онлайн күрсәтә

18 декабрь 2017, 09:54

«Татар-информ» «Җилләр көе» проектын онлайн күрсәтә «Аргамак» этно-рок төркеме чыгышын Казанда - Габдулла Тукай исемендәге Татар дәүләт филармониясендә бүген 13.00 сәгатьтә карарга мөмкин.

(Казан, 18 декабрь, «Татар-информ»). Мексикада узган «Фольклориада» фестивалендә катнашып дан казанган «Аргамак» этно-рок төркеме чыгышын бүген Казанда - Габдулла Тукай исемендәге Татар дәүләт филармониясендә карарга мөмкин. Данлыклы төркем «Җилләр көе» проекты кысаларында чыгыш ясый. Концерт хакында филармониянең матбугат үзәге хәбәр итә.

Программада шулай ук Линар Дәүләтбаев җитәкчелегендәге Милли халык уен кораллары оркестры, Башкорт филармониясе солистлары – Башкортстанның халык артистлары Азамат Тимеров, Римма Амангильдина, Халыкара, Бөтенроссия һәм республикакүләм конкурслар лауреаты Марсель Кутуев чыгышлары. Программаның режиссеры – Башкортстанның атказанган артисты Чулпан Аскарова.

Концертны “Татар-информ” мәгълүмат агентлыгы аша да карарга мөмкин. Онлайн-трансляция 13.00 сәгатьтә башлана.

Онлайн-трансляция өчен сылтама - http://tatar-inform.tatar/internet-tv/147/

Оештыручылар хәбәр итүенчә, «Җилләр көе» проекты 19 декабрьдә – Актаныш, 20 декабрьдә Минзәлә тамашачысына да тәкъдим ителәчәк.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10