ҺАВА ТОРЫШЫ +2 oC

Яңалыклар

барлык хәбәрләр Татарстан Россия
МӨҺим
Марат Әхмәтов авылны яшәтүдә сыер савучының ролен билгеләп үтте
Татарстан киносы атналыгының яңалыгы - “Мулла” фильмының премьерасы
Конгресс туган телне ирекле өйрәнү турындагы закон проектын карамаска өнди
Айнур Айделдинов инновацион компанияләр булдыру белән бәйле проблемаларны билгеләде
20 апрельнең төп вакыйгалары - фото һәм сылтамалар

Авыл

Әтнә районы “Мәңгәр” күмәк хуҗалыгының сыер саву комплексы уңышлы эшли

16 декабрь 2017, 05:00 , Фото: atnya-rt.ru

Әтнә районы “Мәңгәр” күмәк хуҗалыгының сыер саву комплексы уңышлы эшли Комплекстагы ике торакта 415 сыер тәрбияләнә.

 (Әтнә, 16 декабрь, “Татар-информ”, “Әтнә таңы”). Әтнә районы “Мәңгәр” күмәк хуҗалыгының сыер саву комплексы инде 2 ел ярым эшләсә дә, яңа салынган кебек – тыштан да, эчтән дә “ялт” итеп тора.

Иң мөһиме – биредә куанып эшлиләр: эш шартлары да уңайлы, хезмәт хакы да яхшы, һәм әлбәттә күрсәткечләр дә сокланырлык, дип яза районның “Әтнә таңы” газетасы.

– Көн саен әлеге комплекстан гына дәүләткә 8 тонна 300 килограмм чамасы сөт озатабыз, – дип горурлана савым операторы Илнар Мусин.

Әйтүенчә, комплекстагы ике торакта 415 сыер тәрбияләнә. Әйтергә кирәк, тәрбия шартлары заман технологияләренә нигезләнгән. Сыерлар калын салам аслыкта яталар, һәр җирдәгечә бәйсез тәрбияләнәләр. Аларны физиологик халәткә бәйле рәвештә өч төркемгә бүлгәннәр. Бер төркемдә – “раздой”, икенчесендә – “спад”, ягъни, сөтне ташлата торган сыерлар, өченче төркемгә уртачаларын туплаганнар. Иң куанычлысы – бүгенге көндә монда бер сыердан тәүлек саен уртача 20 килограмм тирәсе сөт савалар.

Аларны тәрбияләү – саву эшенә нибары 6 савымчы җәлеп ителгән. Биредә күптән түгел савымчыларның республика семинар–бәйгесендә катнашып, үз төркемендә җиңү яулаган Сәрия Сабирова, Сания Хәбибуллина, Әлфия Гарипова, Гөлфинә Хәбибуллина, Рәшидә Галиева һәм Алсу Спиридонова эшли.

“Мәңгәр”дә сөт узган елгыдан уртача 2500 килограммга артык. Былтыргы белән чагыштырсак, һәр сыердан тәүлек саен уртача 2,70 килограммга күбрәк сөт савалар. Бәхәссез, районда тоткан урыннары тотрыклы.

Сөт җитештерү буенча Әтнә районы Татарстанда алдынгы урыннарда бара. Татарстан авыл хуҗалыгы министрлыгының 14 декабрьгә биргән оператив мәгълүматлары буенча, бездә бер сыердан тәүлеклек 24,9 килограмм сөт савыла. Бездән соң урнашкан икенче–өченче урыннарда баручы районнарда 20,8–20,3 килограмм тирәсе генә. Республика буенча бу сан 13,5 килограмм тәшкил итә. Шунысы да бар, район күмәк хуҗалыклары ай башына карата – 9 тоннага, алдагы көннән 1 тоннага артык сөт сава. Бу көнне сауган тулай савым 177 тонна һәм бу былтыргадан 23 тоннага артык. Артыклык – 115 процент. Элеккечә үк республиканың бер районында тәүлек саен 200 тоннадан артык сөт савып алалар, тагын тугыз районда ул 100 тоннадан артык. Бу алдынгылар исемлегендә безнең Әтнә әлегә өченче урында. Сөтнең югарыда телгә алган “Мәңгәр”дә генә түгел, барлык күмәк хуҗалыкларда да артуын искә алган хәлдә, тиздән югарырак күтәрелербез дигән өмет бар, диелә район хәбәрендә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10