ҺАВА ТОРЫШЫ +7 oC

Яңалыклар

барлык хәбәрләр Татарстан Россия
МӨҺим
Мин китапларымны бүләк итмим, алар сатылачак, дип үземә сүз биргән идем - Элчин Сафарли
Татарстанга җил-давыл якынлашу сәбәпле, коткаручылар тулы әзерлектә тора
Казанда “Татар кызы-2018” халыкара бәйгесендә Башкортстаннан Чулпан Кашанова катнашачак
Бөекбритания королевасы Елизавета II 92 яшьлеген билгеләп үтте
Алабугада янгында зыян күргән 14 яшьлек үсмер хастаханәгә озатылган

Спорт

Казанда "Татарстанның спорт өметләре" премиясен тапшыру тантанасы узды

15 декабрь 2017, 16:22 , Фото: Ильнар Тухбатов

Казанда Бу – 17 нче тантаналы чара.

(Казан, 15 декабрь, «Татар-информ», Алексей Анисимов). Казанда “Татарстанның спорт өметләре” премиясен тапшыру тантанасы узды: Россия һәм дөньякүләм аренада иң югары нәтиҗәләр күрсәткән республиканың иң яхшы спортчылары үз бүләкләрен алды. Узып баручы ел Татарстан атлетлары өчен уңышлы булды, алар халыкара һәм бөтенроссия дәрәҗәсендә 173 медаль яулады.

Ежегодная премия “Спортивные надежды РТ”

Яшь спортчыларны “Татарстанның спорт өметләре” премиясе белән бүләкләү традициягә әйләнде, быел ул 17 нче тапкыр тапшырыла. Республиканың төрле почмагында яшәүче 800 спортчы бу чарага чакыру алды.

Ежегодная премия “Спортивные надежды РТ”

“Мин барыгызны да безнең республиканың Олимпия өметләре, дип әйтер идем, – дип мөрәҗәгать итте Татарстан яшьләр эшләре һәм спорт министрының беренче урынбасары Хәлил Шәйхетдинов. – Безнең республиканы танытканыгыз өчен рәхмәт сезгә, сез – безнең илнең киләчәге. Сезнең арада  күп медальләр яулаячак Олимпия чемпионнары булуына ышанам”.

Ежегодная премия “Спортивные надежды РТ”

Аның сүзләренчә, республиканың теләсә кайсы районында яшәүче һәр бала спортның яраткан төре белән шөгыльләнү мөмкинлегенә ия булсын өчен Татарстан хакимияте зур эш башкара.

Ежегодная премия “Спортивные надежды РТ”

“Республика җитәкчелеге, безнең Президент тарафыннан һәр районда универсаль спорт комплексы, бассейн булдыру бурычы куелган. Шул программа буенча 8 бассейн, 7 спорт комплексы, 3 боз сарае төзибез. Барысы да сезнең өчен эшләнелә!” – диде Шәйхетдинов.

Спортчыларга истәлекле сыннар, дипломнар һәм кыйммәтле бүләкләр тапшырылды.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10