ҺАВА ТОРЫШЫ -9 oC

Яңалыклар

барлык хәбәрләр Татарстан Россия
МӨҺим
16 гыйнварның төп вакыйгалары – фото һәм сылтамалар
"Зенит" волейболчылары лидерлык өчен көрәштә Польшаның "Ястшембски" командасын отты
Социаль ипотека программасы буенча түли алмаучыларны иҗтимагый комиссия тикшерә
Яшәү урыны булмаган белгечләргә авылларда ипотека буенча йортлар төзеләчәк
Разил Вәлиев: Мәрҗанине бишектән үк өйрәтә башларга кирәк

Җәмгыять

Тукай районы Кнәз авылында Чечняда һәлак булганнарны искә алдылар

15 декабрь 2017, 04:00

Тукай районы Кнәз авылында Чечняда һәлак булганнарны искә алдылар Һәлак булган солдатларны искә алып, Кнәз авыл җирлегендә митинг үтте.

(Тукай районы, 15 декабрь, "Татар-информ", "Якты юл"). 11 декабрь – Чечняда һәлак булганнарны искә алу көне. Бу дата сугыш хәрәкәтләрендә катнашкан егетләрнең үзләре өчен аерата әһәмиятле. Чечня кампаниясенең кайтавазы әле бүген дә Төньяк Кавказда үлеп калган егетләрнең туганнарының, якыннарының йөрәкләрендә.

Исән кайта алмаган солдатларның берсе гвардиянең өлкән лейтенанты Валерий Пучинин. Һәлак булган солдатларны искә алып, Кнәз авыл җирлегендә митинг үтте. Чарага Әфган һәм Чечня ветераны, запастагы полковник Руслан Иванилов, хәрби хәрәкәтләрдә катнашучылар, исән кайта алмаган хәрбиләрнең әти-әниләре, булачак солдатлар, Кнәз мәктәбе укучылары, «Ватан» патриотик клубы әгъзалары килгән иде, дип яза ьирле басма.

Митингны Руслан Иванилов ачты. Ул яшьләрне Ватанны яратырга өндәде, аны сакларга әзер торырга чакырды. Ил сакчылары үстергән әти-әниләргә олы рәхмәтен һәм хөрмәтен белдерде. Уллары һәлак булган әниләргә чәчәкләр бүләк ителде. Соңыннан Төньяк Кавказда гомере өзелгән егетләрне бер минут тынлык белән искә алдылар, һәйкәлгә чәчәкләр салдылар. Валерий Пучининның әнисе Елена Алексеевна әлеге чара өчен бар кешегә дә олы рәхмәтен белдерде, дип яза Кнәздән хәбәрчебез Тамара Тузеева.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр