ҺАВА ТОРЫШЫ +24 oC

Яңалыклар

барлык хәбәрләр Татарстан Россия
МӨҺим
Казанның "Көнчыгыш" автовокзалыннан Мәскәүгә яңа маршрут ачыла
Васил Шәйхразиев Алтай краенда Сабан туе мәйданы белән танышты
Башкортстан вәкилләре Словениядә бал кортларына багышланган конференциядә катнашты
Доллар бәясе 61 сум 67 тиен булды
Казанда Вознесенский тракты төзелеше өчен Сосновкадагы йортлар сүтелмәячәк

Җәмгыять

Электрон ветеринария сертификаты продукциянең сыйфатын гарантияли – Россельхознадзор

14 декабрь 2017, 13:01 , Фото: Салават Камалетдинов

Электрон ветеринария сертификаты продукциянең сыйфатын гарантияли – Россельхознадзор Аның ярдәмендә товарның кайда чыгуын, кайда эшләнүен белеп булачак, ди белгечләр.

(Казан, 14 декабрь, “Татар-информ”, Чулпан Шакирова). Россия субъектлары 2018 елның 1 гыйнварыннан товар озату буенча ветеринария сертификатын фәкать электрон форматта бирергә тиеш. Татарстан моңа 2015 елдан бирле әкренләп күчү этабында. Бүген республика – электрон сертификатлар куллануда, Россиянең 85 төбәге арасында икенче урында. Электрон сертификатларның кулланылышы турында “Татар-информ”га Россия Федерациясенең Дәүләт чигендә чик буе һәм транспортта ветеринария контроле бүлеге башлыгы Илшат Мөхәммәтшин сөйләде.

“Татарстан электрон ветеринария сертификаты бирүдә алда бара. Ул бүген – РФ субъектлары арасында лидерлар рәтендә. Бүген без товар озата торган барлык документның 98 %ын электрон форматта бирәбез. Быел 3 млн 126 мең белешмә шушы программа нигезендә тутырылган", – диде җитәкче.

Аның сүзләренчә, “Меркурий” программасында тутырылган электрон документ товарның һәр адымын үтә күренмәле итеп күрсәтә. Ул “кырдан – кибет киштәсенә” принцибы белән эшли.

“Кәгазь документларның ялганын ясау бик җиңел. Аны юкка чыгарып та, булмаганнан бар ясап та була. Ә электрон сертификация һәр нәрсәне уч төбендәге кебек күрсәтә. Анда товар кайда үскән, кайда эшкәртелгән, ярымфабрикат булса, кайда тутырылуын – барысын да белеп булачак. Бу сатучы һәм кулланучы арасын көйли, сыйфатны арттырачак”, – ди җитәкче.

Илшат Мөхәммәтшин әйтүенчә, бүгенге көндә Бөгелмә, Баулы, Чаллы, Әлмәт районнары электрон ветеринария сертификаты бирүдә Татарстан буенча лидерлар рәтендә. Балык Бистәсе һәм Мамадыш районнарында әлеге эш аксый.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10