ҺАВА ТОРЫШЫ -9 oC

Яңалыклар

барлык хәбәрләр Татарстан Россия
МӨҺим
16 гыйнварның төп вакыйгалары – фото һәм сылтамалар
"Зенит" волейболчылары лидерлык өчен көрәштә Польшаның "Ястшембски" командасын отты
Социаль ипотека программасы буенча түли алмаучыларны иҗтимагый комиссия тикшерә
Яшәү урыны булмаган белгечләргә авылларда ипотека буенча йортлар төзеләчәк
Разил Вәлиев: Мәрҗанине бишектән үк өйрәтә башларга кирәк

Икътисад

Татарстанда биш ел эчендә ИТ-оешмалар саны 60 процентка үсте

11 декабрь 2017, 17:48

Татарстанда биш ел эчендә ИТ-оешмалар саны 60 процентка үсте Татарстанда хәзер 1600ләп шундый оешма бар.

(Иннополис, 11 декабрь, "Татар-информ", Диана Авакян). Татарстанда биш ел эчендә ИТ-оешмалар саны 60 процентка үсте, дип җиткерде Татарстан Президенты Рөстәм Миңнеханов “Цифрлашкан Россия: киләчәк икътисадына кадрларны ничек әзерләргә?” дип аталган конференциясенең пленар утырышында.

"Татарстанда биш ел элек ИТ өлкәсендә предприятиеләр саны мең тирәсе иде, хәзер алар 1600ләп", – дип саннар китерде Миңнеханов.

“Илнең цифрлашкан икътисадына кадрлар әзерләү – бик тә актуаль мәсьәлә, – дип билгеләп үтте республика лидеры. – Масштаблы цифрлашкан трансформацияләр барлыкка килә. Шуның белән беррәттән, яңа шартларда эшләячәк белгечләргә таләпләр дә арта".

“Татарстан икътисадның инновацион үсешенә йөз тота, анда һөнәри белемгә мөһим роль бирелә. Бу тармакта хәзер 10 югары уку йортында кадрлар әзерләнә, бу елына 1400ләп белгеч дигән сүз. Урта махсус белем бирү учреждениеләре елына 700 укучы укытып чыгара”, – дип сөйләде Татарстан Президенты.

Цифрлашкан икътисад мәгариф өлкәсе һәм индустрия арасында ныклы элемтә таләп итә, дип дәвам итте ул.

“Бу тармак предприятиеләре ягыннан ихтыяҗ булган белгечләргә грант ярдәме. Шундый нигездә бездә Иннополис Университетында укыту бара. Шулай ук дәүләт ягыннан да грант ярдәме бар”, – дип билгеләп үтте Рөстәм Миңнеханов.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр